كەلىسسوزدەردىڭ قورىتىندىسىندا ەكى ەلدىڭ مەملەكەت باسشىلارى بىرلەسكەن مالىمدەمەگە قول قويدى. مۇنان بولەك, سۋ قاتىناستارى سالاسىنداعى ىنتىماقتاستىق ماسەلەلەرى جونىندەگى جول كارتاسىن قازاقستان پرەمەر-ءمينيسترىنىڭ ءبىرىنشى ورىنباسارى ا.مامين مەن وزبەكستان پرەمەر-ءمينيسترىنىڭ ءبىرىنشى ورىنباسارى ا.راماتوۆ راسىمدەدى. سونىمەن قاتار ولار قازاق-وزبەك مەملەكەتتىك شەكاراسىنداعى وتكىزۋ پۋنكتەرىن, اۆتوموبيل جولدارىن قايتا قۇرۋ, جاڭعىرتۋ جانە ىرگەلەس اۋماقتاردى اباتتاندىرۋ جونىندەگى جول كارتاسىن بەكىتتى. ال ەلىمىزدىڭ قارجى مينيسترلىگى مەن وزبەكستاننىڭ مەملەكەتتىك كەدەن كوميتەتى اراسىنداعى كونتراباندامەن جانە كەدەن زاڭناماسىن بۇزۋمەن كۇرەستەگى ىنتىماقتاستىق تۋرالى كەلىسىمگە قر قارجى ءمينيسترى ب.سۇلتانوۆ پەن ءور مەملەكەتتىك كەدەن كوميتەتىنىڭ توراعاسى م.توحيري, قازاقتان ۇكىمەتى مەن وزبەكستان ۇكىمەتى اراسىنداعى اسكەري-تەحنيكالىق سالاداعى ىنتىماقتاستىق تۋرالى كەلىسىمگە قر قورعانىس جانە اەروعارىش ونەركاسىبى ءمينيسترى ب.اتامقۇلوۆ پەن ءور قورعانىس ءمينيسترى ا.ازيزوۆ, «قازاقستان تەمىر جولى» ۇك» اق پەن «وزبەكستان تەمىر جولدارى» اق اراسىنداعى ستراتەگيالىق ىنتىماقتاستىق تۋرالى كەلىسىمگە «قتج» پرەزيدەنتى ق.الپىسباەۆ پەن ء«وتج» باسقارماسى باستىعىنىڭ ءبىرىنشى ورىنباسارى ا.شۋكۋروۆ قول قويدى. سونداي-اق قازاقستان رەسپۋبليكاسىنىڭ ەنەرگەتيكا ءمينيسترى ق.بوزىمباەۆ جانە وزبەكستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ا.راماتوۆ ەنەرگەتيكا سالاسىنداعى ىنتىماقتاستىق تۋرالى ۇكىمەتارالىق كەلىسىمگە قول قويدى.
سونىمەن قاتار ەكى ەلدىڭ وڭىرارالىق ىنتىماقتاستىعىن دامىتۋعا باعىتتالعان قۇجاتتاردا راسىمدەلدى. اتاپ ايتقاندا, ساۋدا-ەكونوميكالىق جانە مادەني-گۋمانيتارلىق سالالارداعى قىزىلوردا وبلىسى مەن نوۆوي وبلىسى, وڭتۇستىك قازاقتان وبلىسى مەن تاشكەنت, وڭتۇستىك قازاقتان وبلىسى مەن سىرداريا وبلىسى اراسىنداعى مەموراندۋمدارعا اتالعان وڭىرلەردىڭ اكىمدەرى قول قويدى.
دينارا بىتىك,
"ەگەمەن قازاقستان"
تاشكەنتتەن
