وبلىستا 90-نان استام ۇمىتكەرلەر اراسىنان دارالانعان 25 انشىلەر لاۋرەاتتاردى انىقتاۋ ءۇشىن بايگەگە ءتۇستى.
1992 جىلدان بەرى وتكىزىلىپ كەلە جاتقان فەستيۆال بۇگىندەرى اۋدان, قالالاردا كەزەگىمەن جالعاسىپ جاتىر.
بايقاۋ شارتى بويىنشا ءبىرىنشى كەزەكتە ءشامشى ءانىن ورىنداعان ۇمىتكەر ەكىنشى كەزەڭدە پاتريوتتىق باعىتتاعى ءان ايتادى.
باس بايگەگە قازىلار تاراپىنان ەڭ كوپ ۇپاي جيناعان شىمكەنتتىك «سارىن» توبى يە بولدى. ال, ءبىرىنشى ورىن سوزاق اۋدانىنىڭ ۇكىلەگەن ءۇمىتى اقەركە جۇماشەۆاعا بۇيىردى. وسىندايشا ولار استاناداعى وتەتىن رەسپۋبليكالىق ءان بايقاۋىندا وڭتۇستىكتىڭ نامىسىن قورعايتىن بولادى.
شولاققورعانداعى «دوستىق» ستاديونىندا وبلىستىق ءان بايقاۋىنىڭ ماراپاتتاۋ ءراسىمى گالا-كونتسەرتكە ۇلاستى. ەستى انگە حالىق شولىركەگەن ەكەن. ستاديونعا كورەرمەندەر لىق تولدى.
وبلىستىق بايقاۋ كەلەسى جىلى تولە بي اۋدانىندا جالعاسادى.
باقتيار تايجان,
«ەگەمەن قازاقستان».
وڭتۇستىك قازاقستان وبلىسى.
