باس سۇيەكتى جەرلەۋ راسىمىنە مەملەكەتتىك حاتشى گۇلشارا ابدىقالىقوۆا, مادەنيەت جانە سپورت ءمينيسترى ارىستانبەك مۇحامەدي ۇلى, ۆەنگريانىڭ قازاقستانداعى ەلشىسى اندراش باراني, بەلگىلى جازۋشى سابيت دوسانوۆ, پارلامەنت دەپۋتاتتارى, جازۋشىلار جانە باتىردىڭ ارۋاعىن قۇرمەتتەگەن جۇرتشىلىق وكىلدەرى مەن ۇرپاقتارى قاتىستى.
باتىر سۇيەگىن جەرلەۋدى راسىمدەۋگە ارنالعان ميتينگىدە مەملەكەتتىك حاتشى گۇلشارا ابدىقالىقوۆا ءسوز سويلەپ, كەيكى ەسىمىن ۇلاعاتتاۋ تاۋەلسىزدىك جەمىسى ەكەنىن ايتتى. "ەلىمىزدى, جەرىمىزدى قورعاعان تالاي باتىرلارىمىزدىڭ ەسىمى تاريحىمىزدا التىن ارىپپەن جازىلىپ قالدى. سولاردىڭ اراسىندا اتاقتى مەرگەن, ساردار كەيكى باتىردىڭ ورنى ەرەكشە. ونىڭ ەسىمىن ۇلىقتاپ جاتقان بۇگىنگى شارانىڭ دا تاريحي ماڭىزى ەرەكشە", دەدى گۇلشارا ابدىقالىقوۆا.
سونداي-اق كەيكى ارۋاعىنا ارناپ اس بەرىلىپ, قۇران باعىشتالدى. مۇنان كەيىن "كەيكى باتىردىڭ ءومىرى مەن ءولىمىنىڭ جۇمباعى" اتتى عىلىمي-تاجىريبەلىك كونفەرەنتسيا, ات جارىسى, كونتسەرت باستالدى. ولاردىڭ قورىتىندىسى تۋرالى تاعى دا حابارلايتىن بولامىز.
ءنازيرا جارىمبەت,
"ەگەمەن قازاقستان"
قوستاناي وبلىسى,
امانگەلدى اۋدانى.
