«لوندون پوليتسياسىنىڭ كونتتەرروريستىك ءبولىمىنىڭ قىزمەتكەرلەرى لوندون مەتروسىنداعى وقيعانى زەرتتەپ جاتىر. ازىرگە جارىلىستىڭ سەبەبى انىقتالماعان.ستانسا جابىق», دەلىنگەن قالا پوليتسياسىنىڭ حابارلاماسىندا.
لوندوننىڭ جەدەل جاردەم قىزمەتى باسقارماسى باسشىلىعىنىڭ ايتۋىنشا, وقيعا ورنىنا بىرنەشە بريگادا جىبەرىلگەن. «حابار تۇسكەن سوڭ بەس مينۋتتان كەيىن ءبىزدىڭ قىزمەت وقيعا ورنىندا بولدى. الدىمەن ادامداردىڭ دەنە جاراقاتىنىڭ تۇرلەرى مەن دەڭگەيىن انىقتاپ, بىردەن قاجەتتى شارالار اتقارىلدى», دەيدى باسقارما باسشىلىعى. سونداي-اق وقيعا ورنىندا ءورت ءسوندىرۋ قىزمەتى دە بار.
پرەمەر-مينيستر تەرەزا مەيدىڭ تۋيتتەردەگى رەسمي پاراقشاسىندا "مەن "پارسونس گرين" ستانساسىندا جاراقات العاندار مەن تەرروريستىك وقيعامەن كۇرەسۋگە بار كۇشىن سالىپ جاتقان قۇتقارۋ قىزمەتىمەن بىرگەمىن", دەپ جازىلعان. بولعان وقيعاعا بايلانىستى تەرەزا مەي ۇكىمەتتىڭ توتەنشە جاعدايلار كوميتەتىنىڭ وتىرىسىن وتكىزەدى دەپ كۇتىلۋدە.
PM: My thoughts are with those injured at Parsons Green and emergency services who are responding bravely to this terrorist incident.
— UK Prime Minister (@Number10gov) 15 سەنتيابريا 2017 گ.
