قۋاتتاپ, قولداپ, قول سوعاتىنداي قۇبىلىس ەمەس, ارينە. بۇعان دەيىنگى جۇرگىزىلگەن جۋرناليستىك تالداۋلار مەن زەرتتەۋلەر بۇلاردىڭ توقتاپ تۇرىپ قالۋىنىڭ بەلگىلى ءبىر وبەكتيۆتى سەبەپتەرى بار ەكەنىن اڭعارتادى. سوندىقتان بۇل كاسىپورىندارعا جەرگىلىكتى اتقارۋشى بيلىك ورگاندارى تاراپىنان ۇستانىلىپ وتىرعان كوزقاراس تا ءارى تارتپاي, بەرى تارتۋ سيپاتىنا كەلىڭكىرەيدى. بۇلاي بولاتىن سەبەبى وسى كاسىپورىنداردىڭ قاتارىنداعى «نتس-تراكتور» , «العاباس», «ادەمى», «اق رۋنو», «كومپانيا تەكشە تاس» سەكىلدى كاسىپورىندار قايتادان سىلكىنىپ, تەمىر بەتون ساقينالارىن, پليتا جەلىمىن, ءسۇت-ايران جانە باسقا دا ونىمدەر ءوندىرۋ بويىنشا قام-قارەكەتتەر جاساپ وتىر ەكەن.
بوس تۇرعان كاسىپورىنداردى ىسكە قوسۋ وتاندىق وندىرىستەردى تەحنولوگيالىق تۇرعىدان قايا جاڭعىرتۋ تالاپتارىمەن ۇندەس ءارى وزەكتەس. سوندىقتان دا وسى ورايدا وبلىستا ءتيىمدى شارالار قابىلداۋ قاجەتتىگى بەلگىلەنگەن. كورسەتىلگەن مىندەتتەر قازىرگى كەزدە قيىن جاعدايدا قالعان كاسىپورىندارعا بارىنشا قولايلى جاعدايلار تۋعىزۋدى كوزدەيدى. بۇل باعىتتا ونى بىرنەشە ناقتى جولدار مەن تاسىلدەر ارقىلى ىسكە اسىرۋ قاراستىرىلعان. مۇنىڭ ءبىرىنشىسى جاڭا ينۆەستور ىزدەستىرۋگە نەگىزدەلسە, ەكىنشىسى ءوندىرىس ورىندارىن جالعا بەرۋ مۇمكىندىكتەرىن كوزدەيدى. سونىمەن قاتار تۇرىپ قالعان كاسىپورىنداردىڭ بازاسىندا بيزنەس ينكۋباتورلار قۇرۋ قاجەتتىلىگى دە تىعىرىقتان شىعۋدىڭ ءبىر جولى دەپ تابىلىپ وتىر.
تەمىر قۇسايىن,
«ەگەمەن قازاقستان»
