بيىل 72-ءشى رەت ۇيىمداستىرىلعان تۋرنير قازاقستاندىق «استانا» ۆەلوكومانداسى ءۇشىن وتە ءساتتى ءوتتى. الەكسەي لۋتسەنكو 23 تامىزدا «ۆۋەلتانىڭ» 5-ءشى كەزەڭىن جەڭىپ السا, «استانانىڭ» كولۋمبيالىق شابوندوزى ميگەل انحەل لوپەس 11-ءشى جانە 15-ءشى تاۋلى كەزەڭدەرىندە توپ جاردى.
ۆەلوكوپكۇندىكتىڭ قورىتىندىسى بويىنشا, بريتانيالىق كريس فرۋم («Sky») جەكەلەي باسەكەدە جەڭىمپاز اتاندى. «استانا» كومانداسى ساپىنان ەڭ ۇزدىك ناتيجەنى ميگەل انحەل لوپەس كورسەتتى. «ۆۋەلتانىڭ» ەكى كەزەڭىن جەڭىپ العان لوپەس جالپى كورسەتكىشتە 9-ورىنعا تۇراقتادى. ال «استانانىڭ» باسقا وكىلدەرىنىڭ ورنى مىناداي: فابيو ارۋ – 13-ورىن, پەلو بيلباو – 23, لۋيس لەون سانچەس – 31, الەكسەي لۋتسەنكو – 73, سەرگەي چەرنەتسكي – 94, لاۋرەنس دە ۆرەز – 122 جانە نيكيتا ستالنوۆ – 145.
ال كوماندالىق جارىستا «استانا» ۆەلوكومانداسى ۇزدىك اتاندى. 3300 شاقىرىمعا سوزىلعان تاسجولدى ەلوردا كومانداسى 247 ساعات 16 مينۋت 21 سەكۋندتا ءجۇرىپ ءوتتى. «استانادان» التى مينۋت 16 سەكۋند قالىپ قويعان يسپانيالىق «Movistar» ەكىنشى ورىن يەلەندى. ۇزدىك ۇشتىكتى «Team Sky» قورىتىندىلادى. بريتانيالىق كوماندانىڭ ۆەلوشاباندوزدارى مارەگە ءبىزدىڭ كلۋبتان 8 مينۋت 12 سەكۋند كەيىن كەلگەن.
ءالي بيتورە,
«ەگەمەن قازاقستان»
