بۇل يگى باستاما ۇلتتىق وليمپيادالىق كوميتەتى پرەزيدەنتى تيمۋر ق ۇلىباەۆتىڭ تىكەلەي مۇرىندىق بولۋىمەن جۇزەگە اسىرىلۋدا جانە حالىقتى بۇقارالىق سپورتقا باۋلۋدى كوزدەيدى. وسىلايشا تيمۋر ق ۇلىباەۆتىڭ جەكە قاراجاتىنان ەلىمىز بويىنشا قىرىق سپورتتىق الاڭنىڭ قۇرىلىسى قارجىلاندىرىلدى.
Street Workout ارنايى سپورتتىق الاڭدارى استانا, الماتى, اقتوبە, اقتاۋ, جاڭاوزەن, شىمكەنت, قىزىلوردا, تاراز قالالارىندا سپورت سۇيەر قاۋىمعا قولجەتىمدى بولىپ وتىر. جانە دە الداعى ۋاقىتتا بۇل قالالار ءتىزىمى تولىعاتىن بولادى. سپورتتىق الاڭدار جيىرما ءتۇرلى سناريادتارمەن جابدىقتالعان جانە ادامعا بارلىق بۇلشىقەتتەرىن شىڭداۋعا مۇمكىندىك بەرەدى.
سپورتتىق الاڭدار ءبىرىنشى كەزەكتە قالالاردىڭ حالىق تىعىز ورنالاسقان جانە نەعۇرلىم قولجەتىمدى اۋداندارىندا سالىندى. باستى ماقسات - الاڭداردا سپورتپەن شۇعىلدانۋعا مەيلىنشە كوپ ادام تارتۋ. ماسەلەن, ورال قالاسىندا workout الاڭى تۇرعىنداردىڭ ەڭ سۇيىكتى دەمالىس ورنىنا ارنالعان جەرگىلىكتى "ارباتتا" سالىنسا, قاراعاندىدا وڭتۇستىك-شىعىس ىقشام اۋدانىندا, كوكشەتاۋدا قالانىڭ ورتالىق كقشەلىرىنىڭ بىرىندە بوي كوتەردى. سپورت الاڭدارىنىڭ اشىلۋ سالتاناتىنا Workout فەدەراتسياسى وكىلدەرىمەن قاتار قالا باسشىلىعى, سپورتتىق جانە جاستار ۇيىمدارىنىڭ وكىلدەرى قاتىسىپ, وسىنداي الاڭدار سالىپ بەرگەن قازاقستان رەسپۋبليكاسى ۇلتتىق وليمپيادالىق كوميتەتى باسشىلىعىنا العىستارىن ءبىلدىرىپ جاتتى. Street Workout - ەڭ قولجەتىمدى سپورت تۇرلەرىنىڭ ءبىرى. ونىمەن شۇعىلدانۋ ءۇشىن ارنايى سپورت الاڭى مەن نيەت قاجەت. الاڭدارداعى سناريادتار كاسىبي سپورتشىلار مەن اۋەسقويلارعا قاتار ەسەپتەلگەن. قازىرگى كەزدە ەلىمىزدە وسى سپورت تۇرىمەن اينالىساتىندار سانى ارتىپ كەلەدى. بىلتىرعى جىلمەن سالىستىرعاندا ولاردىڭ سانى 45%-عا ءوسىپ, ءجۇز مىڭنان استام ادامدى قۇرايدى.
