كونكۋرس ەرەجەسى:
1.1. جۋرناليستيكا سالاسىندا «شاڭىراق» شىعارماشىلىق كونكۋرسىن (بۇدان ءارى - كونكۋرس) وتكىزۋگە ارنالعان وسى ەرەجە قازاقستان حالقى اسسامبلەياسىنىڭ 2020 جىلعا دەيىنگى دامۋ تۇجىرىمداماسىن ىسكە اسىرۋ بويىنشا 2016-2018 جىلدارعا ارنالعان ءىس-شارالار جوسپارىنىڭ 41-تارماعىن ىسكە اسىرۋ ماقساتىندا, سونداي-اق قازاقستان رەسپۋبليكاسى پرەزيدەنتىنىڭ 2014 جىلعى 17 ماۋسىمداعى №837 جارلىعىمەن بەكىتىلگەن قازاقستان رەسپۋبليكاسى پرەزيدەنتىنىڭ جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسىنىڭ جارعىسىنا سايكەس ازىرلەنگەن.
1.2. كونكۋرستىڭ باسشىلىعى:
1) كونكۋرستىڭ قۇرىلتايشىسى – قازاقستان حالقى اسسامبلەياسى (بۇدان ءارى – قۇرىلتايشى);
2) كونكۋرستى ۇيىمداستىرۋشى قازاقستان رەسپۋبليكاسى پرەزيدەنتىنىڭ جانىنداعى «قوعامدىق كەلىسىم» رەسپۋبليكالىق مەملەكەتتىك مەكەمەسى (بۇدان ءارى – ۇيىمداستىرۋشى) بولىپ تابىلادى.
1.3. وسى ەرەجە كونكۋرستىڭ وتكىزىلۋ ءتارتىبىن جانە جوبالاردى ىرىكتەۋ ولشەمدەرىن ايقىندايدى.
2. كونكۋرستىڭ ماقساتى جانە مىندەتتەرى
2.1. كونكۋرستىڭ ماقساتى – ەتنوسارالىق قاتىناستار تاقىرىبىن جازىپ-كورسەتەتىن جۋرناليستەردى ىنتالاندىرۋ ارقىلى وتاندىق جۋرناليستيكانىڭ دامۋىنا ىقپال ەتىپ, ۇلەس قوسۋ
2.2. كونكۋرستىڭ مىندەتتەرى:
1) مادەنيەتارالىق ديالوگتىڭ دامۋىنا ىقپال ەتەتىن ەتنوسارالىق قاتىناستار سالاسىنداعى مەملەكەتتىك ساياساتتىڭ ءمانى مەن مازمۇنىن اشىپ كورسەتەتىن باق باعدارلامالارى مەن ماتەريالدارىن دارىپتەۋ;
2) اقپاراتتىق كەڭىستىكتە كوپ ەتنوستى قازاقستان حالقىنىڭ مادەنيەتى مەن داستۇرلەرىنىڭ وزىق ۇلگىلەرىن ىلگەرىلەتۋ;
3) مەملەكەتتىك ءتىلدىڭ قولدانىس اياسىن كەڭەيتۋ;
4) باق-تاعى قوعامدىق كەلىسىم مەن جالپىۇلتتىق بىرلىكتى نىعايتۋ ماسەلەلەرىنە ارنالعان پۋبليتسيستيكالىق ماتەريالداردىڭ ساپاسىن ارتتىرۋ;
5) قوعامدىق كەلىسىم مەن جالپىۇلتتىق بىرلىكتى نىعايتۋ تاقىرىبىن جازىپ-كورسەتەتىن قازاقستاندىق باق-تاردىڭ رولدەرى مەن جاۋاپكەرشىلىكتەرىن ارتتىرۋ.
3. كونكۋرسقا قاتىسۋشىلار
3.1. كونكۋرسقا قازاقستاندىق بۇقارالىق اقپارات قۇرالدارىنىڭ جۋرناليستەرى, ەتنومادەني بىرلەستىكتەردىڭ, ۇكىمەتتىك ەمەس ۇيىمداردىڭ وكىلدەرى, عىلىم جانە مادەنيەت قايراتكەرلەرى, ساراپشىلار مەن جەكە اۆتورلار قاتىسا الادى.
3.2. 2017 جىلعى كونكۋرسقا سوڭعى ەكى جىلدا وتكىزىلگەن كونكۋرستاردىڭ جەڭىمپازدارى قاتىسا المايدى.
3.3. ءار قاتىسۋشى تەك 1 ء(بىر) ءوتىنىم بەرە الادى.
4. كونكۋرستى وتكىزۋ ءتارتىبى مەن مەرزىمى
4.1. كونكۋرسقا قاتىسۋ ءۇشىن مەملەكەتتىك جانە ورىس تىلدەرىندە جازىلعان, 2017 جىلعى 1 قاڭتاردان 1 قازانعا دەيىن باسپا باق-تا, ونىڭ ىشىندە, ەتنومادەني بىرلەستىكتەردىڭ بۇقارالىق اقپارات قۇرالدارىندا جانە ينتەرنەت-رەسۋرستاردا جاريالانعان ماتەريالدار, تەلە-راديوباعدارلامالار قابىلدانادى.
4.2. كونكۋرس كەلەسى نوميناتسيالار بويىنشا وتكىزىلەدى:
- بىرلىكتى جانە قوعامدىق كەلىسىمدى نىعايتۋعا ەلەۋلى ۇلەس قوسقان تۇلعالارعا ارنالعان ەڭ ۇزدىك اقپاراتتىق ماتەريال;
- اسسامبلەيا قىزمەتىنىڭ جاڭا باعىتتارىن اشاتىن, ونىڭ ىشىندە اۋماقتارداعى ۇزدىك اقپاراتتىق ماتەريال;
- بىرلىك پەن كەلىسىمدى نىعايتۋ بويىنشا ەڭبەك ۇجىمداردىڭ ۇلەسىنە ارنالعان ەڭ ۇزدىك اقپاراتتىق ماتەريال;
- مەملەكەت باسشىسىنىڭ «بولاشاققا باعدار: قوعامدىق سانانى جاڭعىرتۋ» باعدارلامالىق ماقالاسىنا ارنالعان ەڭ ۇزدىك اقپاراتتىق ماتەريالىنا ارنايى جۇلدە.
4.3. كونكۋرس 2 كەزەڭنەن تۇرادى:
- وڭىرلىك كونكۋرسقا قاتىسۋ ءۇشىن قاتىسۋشىلار كونكۋرستىق جۇمىستاردى 2017 جىلعى 12 شىلدەدەن باستاپ 2017 جىلعى 28 قىرقۋيەققا دەيىن جىبەرە الادى;
- كونكۋرستىڭ ءبىرىنشى (وڭىرلىك) كەزەڭىنەن وتكەن كونكۋرستىق جۇمىستار 2017 جىلعى 5 قازاننان 2017 جىلعى 15 قازانعا دەيىن وتەتىن كونكۋرستىڭ ەكىنشى (رەسپۋبليكالىق) كەزەڭىنە جىبەرىلەدى.
4.4. ۇزدىك جۇمىستاردى سالتاناتتى ماراپاتتاۋ استانا قالاسىندا 2017 جىلعى قاراشا ايىندا مەديا-فورۋم شەڭبەرىندە وتكىزىلەدى.
4.5.كونكۋرستى ۇيىمداستىرۋشىعا كونكۋرستىق وتىنىمدەردى جاريالانعان قابىلداۋ ۋاقىتى وتكەننەن كەيىن بەرىلگەن نەمەسە كونكۋرس تالاپتارىنا سايكەس كەلمەيتىن وتىنىمدەر قارالمايدى.
4.6. كونكۋرسقا جىبەرىلگەن ماتەريالدارعا پىكىر جازىلمايدى جانە قايتارىلمايدى.
5. كونكۋرستىق ءوتىنىمدى رەسىمدەۋ تالاپتارى
5.1. كونكۋرسقا قاتىسۋعا ءوتىنىم بەرۋ كونكۋرسقا قاتىسۋعا تالاپ ەتۋشىنىڭ وسى ەرەجەدە كوزدەلگەن تالاپتار مەن شارتتارعا كەلىسىمىن بەرگەنىن بىلدىرەدى.
5.2. كونكۋرسقا قاتىسۋ ءۇشىن بەرىلگەن ءوتىنىم:
- كانديداتتىڭ وسى ەرەجەنىڭ 1-قوسىمشاسىنا سايكەس نىساندا تولتىرىلعان وتىنىمىنەن;
- ءوتىنىمنىڭ كونكۋرس تالاپتارىنا سايكەس كەلۋىن راستايتىن قوسىمشا قۇجاتتاردى قامتۋى ءتيىس.
ءبىر وتىنىممەن بەرىلەتىن ماتەريال سانى 3-ەۋدەن كەم ەمەس جانە 5-ەۋدەن ارتىق بولماۋعا ءتيىس.
5.3. كونكۋرسقا قاتىسۋعا ءوتىنىمدى كونكۋرستىڭ اتاۋى مەن جىبەرۋشىنىڭ دەرەكتەرىن كورسەتىپ, كونكۋرستىڭ وڭىرلىك ۇيىمداستىرۋشىسىنا ەلەكتروندى تۇردە, سونداي-اق, جابىق كونۆەرتپەن جىبەرۋگە بولادى.
5.4. كونكۋرسقا قاتىسۋعا تۇسكەن ءوتىنىمدى كونكۋرستى ۇيىمداستىرۋشى ءوتىنىمنىڭ كەلگەن كۇنى مەن ۋاقىتىن كورسەتىپ, كونكۋرسقا قاتىسۋ ءۇشىن تىركەيدى.
اقپاراتتىق سيپاتتاعى قىسقا ماتەريالدار ء/باسپاسوز حابارلاماسى, ت.ب./ كونكۋرسقا قاتىستىرىلمايدى.
5.5. وسى ەرەجەمەن كوزدەلگەن تالاپتار بۇزىلعان جاعدايدا كونكۋرسقا قاتىسۋعا تۇسكەن ءوتىنىم قابىلدانبايدى جانە تىركەلمەيدى.
بايلانىس تەلەفوندارى:
8(7152)50-45-79
8(775)397-98-67
E-mail: mank.kk.sko@mail.ru
№1 قوسىمشا
جۋرناليستيكا سالاسىنداعى «شاڭىراق» شىعارماشىلىق كونكۋرسىنا قاتىسۋعا ارنالعان ءوتىنىم
1. قاتىسۋشى تۋرالى مالىمەتتەر:
* وبلىسى, ەلدى مەكەنى;
* تەگى, اتى, اكەسىنىڭ اتى;
* تۋعان جەرى جانە تۋعان جىلى;
* ۇلتى;
* تۇراقتى تۇراتىن جەرى;
* بايلانىسۋ تەلەفونى;
* وقۋ ورنى/جۇمىس ىستەيتىن جەرى;
* لاۋازىمى;
* جۇمىس ءوتىلى.
2. شىعارماشىلىق قۇجاتتار:
* باسپا باق-تا جاريالانعان ماتەريالداردىڭ سكانەرلەنگەن كوشىرمەلەرى;
* ينتەرنەت-رەسۋرستارداعى پاراقشالاردىڭ باسىپ شىعارىلعان كوشىرمەلەرى;
* تەلە-, راديو باعدارلامالاردىڭ ديسككە DVD, CD فورماتىندا جازىلعان جازبالارى.
