مەملەكەت پاۆيلونىنىڭ ۇيىمداستىرۋشىسى – ساۋدا جانە ينۆەستيتسيالار اگەنتتىگى حابارلاعانداي, 26 تامىز كۇنى قازاقستان پرەزيدەنتى نۇرسۇلتان نازارباەۆ كورەيا پاۆيلونىن ارالاپ, ەلدىڭ اقىلدى ەنەرگەتيكالىق شەشىمدەرىمەن تانىسقان. بۇل كۇنى ەلباسىمەن بىرگە «استانا ەكسپو - 2017» ۇلتتىق كومپانياسى» اق باسقارما توراعاسى احمەتجان ەسىموۆ, استانا قالاسىنىڭ اكىمى اسەت يسەكەشەۆ, پرەزيدەنت اكىمشىلىگىنىڭ باسشىسى ادىلبەك جاقسىبەكوۆ جانە باسقالار بولدى.
قازاقستان پرەزيدەنتىنە «بولاشاق ەنەرگياسى. اقىلدى ءومىر» باستى شوۋى قويىلدى. ول كورەيا تەحنولوگياسىنا ۇلكەن قىزىعۋشىلىق تانىتىپ, اقىلدى پلانشەتتەردىڭ كومەگىمەن كۇن پانەلىمەن, اككۋمۋلياتورمەن, سۋ جانارمايىمەن جۇرەتىن اۆتوموبيلمەن جانە باسقا دا تەحنولوگيالارمەن تانىستى.
كورەيا پاۆيلونىنىڭ 400 مىڭىنشى كورەرمەنى قازي قاپتاعاەۆ ءوز سۇحباتىندا: «كورەيا پاۆيلونى ەڭ ۇزدىك جانە ەڭ قىزىقتى ەكسپوناتتاردى ۇسىنعان. سوندىقتان كەزەكتە ۋاقىت وتكىزگەنىم ءۇشىن ەش وكىنبەيمىن. بولاشاقتا وڭتۇستىك كورەياعا بارىپ, وزىق تەحنولوگيالار مەن ەل مادەنيەتىن ءوز كوزىممەن كورگىم كەلەدى», دەيدى.
