مۇنىڭ الدىندا عالىمجان ءپىرماتوۆ قر ۇلتتىق بانكى توراعاسىنىڭ ورىنباسارى قىزمەتىندە بولعان.
عالىمجان ءپىرماتوۆ 1972 جىلعى 24 ساۋىردە دۇنيەگە كەلگەن. 1993 جىلى ءنوۆوسىبىر مەملەكەتتىك ۋنيۆەرسيتەتىن "مەحانيكا, قولدانبالى ماتەماتيكا" ماماندىعى بويىنشا بىتىرگەن. قازاقستان مەنەدجمەنت, ەكونوميكا جانە بولجاۋ ينستيتۋتىن (1995 جىل) جانە اقش-تىڭ ۆيللامەت ۋنيۆەرسيتەتى دجورج ح. اتكينسون اتىنداعى جوعارى مەنەدجمەنت مەكتەبىن (2001 جىل) بىتىرگەندىگى تۋرالى ەكى ىسكەرلىك باسقارۋ ماگيسترى (مۆا) دارەجەسى بار. ءپىرماتوۆ ەڭبەك قىزمەتىن 1994 جىلى "التىن-تاس" بك-دە باستاعان. 1998 جىلدان باستاپ ءتۇرلى ۇيىمداردا, ونىڭ ىشىندە شەتەلدىك ۇيىمداردا (اقش, ۋكراينا) ورتا بۋىنداعى باسشى لاۋازىمدارىن اتقارعان.
2005-2007 جىلدارى "قازاقستان حالىق بانكى" اق جوبالىق قارجىلاندىرۋ باسقارماسىنىڭ باستىعى, سودان كەيىن ينۆەستيتسيالىق بانكينگ دەپارتامەنتىنىڭ باسقارۋشى ديرەكتورى - ديرەكتورى لاۋازىمدارىن اتقارعان.
2007 جىلعى جەلتوقساندا قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ۆيتسە-ءمينيسترى لاۋازىمىنا تاعايىندالدى.
2009 جىلعى ناۋرىز - شىلدە ارالىعىنداعى كەزەڭدە "بتا بانك" اق باسقارما توراعاسىنىڭ ءبىرىنشى ورىنباسارى, باسقارما مۇشەسى بولدى.
2009–2011 جىلدار ارالىعىنداعى كەزەڭدە "قازاتومونەركاسىپ" ۇاك" اق ەكونوميكا جانە قارجى جونىندەگى ۆيتسە-پرەزيدەنتى لاۋازىمىن اتقارعان.
2011 جىلدان بەرى "Cameco Kazakhstan" جشس پرەزيدەنتى.
2011 جىلى قر پرەزيدەنتىنىڭ جانىنداعى قازاقستاننىڭ شەتەلدىك ينۆەستورلار كەڭەسى قاۋىمداستىعىنىڭ باسقارما توراعاسى بولىپ تاعايىندالدى. 2014 جىلعى قاراشادان باستاپ - "التىن بانك" اق ("قازاقستان حالىق بانكى" اق ەب) ديرەكتورلار كەڭەسىنىڭ مۇشەسى, تاۋەلسىز ديرەكتورى.
قازاقستان رەسپۋبليكاسى پرەزيدەنتىنىڭ 2015 جىلعى 7 جەلتوقسانداعى وكىمىمەن ع.و. ءپىرماتوۆ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى بولىپ تاعايىندالعان.
وسى قىزمەتتە بۇعان دەيىن اسقار جۇماعاليەۆ بولعان ەدى. تاياۋدا ول قر پرەمەر-ءمينيسترىنىڭ ورىنباسارى قىزمەتىنە تاعايىندالدى.
