قر ۇلتتىق ەكونوميكا ءمينيسترى تيمۋر سۇلەيمەنوۆ رەسپۋبليكالىق بيۋدجەت كىرىستەرى (ترانسفەرتتەردى ەسەپكە الماعاندا) 2018 جىلى 5 528,4 ملرد تەڭگە سوماسىنا, 2019 جىلى - 6 403,9 ملرد تەڭگەگە, 2020 جىلى — 7 175,8 ملرد تەڭگەگە بولجامدالعانىن باياندادى. 2018 جىلى بيۋدجەت تاپشىلىعىن ءجىو-گە 1,1%-عا دەيىن تومەندەتۋ, 2019-2020 جىلدارى ءجىو-گە 1,0% دەڭگەيىندە انىقتاۋ ۇسىنىلعان.
بولجامدى تۇسىمدەر مەن جوسپارداعى تاپشىلىق دەڭگەيىن ەسەپكە العاندا رەسپۋبليكالىق بيۋدجەت شىعىندارىنىڭ بولجامى 2018 جىلى 9,2 ترلن تەڭگە كولەمىندە, 2019 جىلى — 9,7 ترلن تەڭگە, 2020 جىلى — 10,2 ترلن تەڭگە كولەمىندە انىقتالعان.
مۇناي باعاسى باررەلىنە 45 اقش دوللارى كەزىندەگى ۇلتتىق قوردىڭ بولجامدى تۇسىمدەرى مەن كەپىلدىكتى ترانسفەرتتى تومەندەتۋ ەسەبىنەن ۇلتتىق قوردىڭ جالپى قاراجات كولەمى 2020 جىلى بولجام بويىنشا 62,4 ملرد اقش دوللارىن ء(جىو-گە 32,5%) قۇرايدى, دەدى مينيستر.
