قاناتقاقتى جوباعا وبلىستاعى ءۇش ەمحانا ەنىپتى. ء«بىز بۇعان دەيىن ەمحانادا پايدالانىلعان شپريتستەردى زىريان اۋدانىنا اپارىپ, ارنايى پەشتەردە جاعاتىنبىز. ەندى قولدانىلعان شپريتستەردى بۇرىنعىداي ورتەمەيمىز. ارنايى قويىلعان قۇرىلعىعا سالىپ, 134 گرادۋس تەمپەراتۋرادا 40 مينۋت بويى قىزدىرعاننان كەيىن ولار تاپ-تازا بولىپ شىعادى. مۇنداي قۇرىلعىلاردى ودان كەيىن دە كادەگە جاراتۋعا بولادى. قازىر تازالانىپ شىققان شپريتستەردى قابىلدايتىن جەرلەردى ىزدەستىرىپ جاتىرمىز», دەيدى ۇلكەن نارىن اۋىلىندا ورنالاسقان اۋداندىق اۋرۋحانانىڭ باس دارىگەرى ساۋلە بايگەرەەۆا.
جاڭا ۇلگىدەگى يتاليالىق قۇرىلعى كومپيۋتەرمەن باسقارىلادى. قۇرىلعىنى ورناتۋ ءۇشىن ءتيىستى تالاپتارعا ساي كەلەتىن ارنايى بولمە ازىرلەنگەن. جوبا مەنەدجەرلەرى قۇرىلعىمەن بىرگە بىرنەشە كونتەينەر دە بەردى. «كونتەينەرلەر عانا ەمەس, ءبىزدىڭ ەمحاناعا وسى كونتەينەرلەردى تيەپ الىپ, اۋىل-اۋىلدى ارالاپ, پايدالانىلعان شپريتستەردى جينايتىن ارنايى كولىك تارتۋ ەتتى. ەندى وزىمىزدەن بولەك باسقا اۋداندارعا دا قىزمەت كورسەتۋگە مۇمكىندىك بار», دەيدى باس دارىگەر.
ازامات قاسىم,
«ەگەمەن قازاقستان»
شىعىس قازاقستان وبلىسى,
كاتونقاراعاي اۋدانى
