مارقۇم بولعان ازامات 1954 جىلى 20 جەلتوقساندا تۋعان. الماتى قالاسىنىڭ تۇرعىنى. ال ۇشاقتىڭ ىشىندەگى جولاۋشى 1982 جىلعى ورىنعالي ابدىقايىر ۇلى زىكىرباەۆ. ول بالقاش اۋدانىنداعى قاراوي اۋىلىنىڭ تۇرعىنى. ونىڭ اياعى جاراقاتتانعان. 35 جاستاعى ازامات تىكۇشاقپەن الماتى قالاسىنداعى №7 اۋرۋحاناعا جەتكىزىلگەن. قازىر ناۋقاس سول جەردە ەم قابىلداپ جاتىر.
قۇزىرلى ورگاننىڭ مالىمەتىنشە, ۇشاق الماتى قالاسى ماڭىنداعى بۇرىنداي ەلدى مەكەنىنەن ۇشىپ شىققان. اپات بالقاش اۋدانىنداعى جيدەلى اۋىلدىق وكرۋگىنە قاراستى «اقشاعىل» شارۋا قوجالىعى ماڭىندا بولعان.
بولجام بويىنشا, ۇشاقتىڭ قوزعالتقىشى ىستەن شىقتى. 100 مەتر بيىكتىكتەن قۇلاعان ەكى كىسىلىك اۋە كەمەسى ورتەنبەگەن, تەك بولشەكتەرى سىنعان.
