قالاداعى جىلىتۋ قازاندىعى مەن جەلىلەردى كۇردەلى جوندەۋدەن وتكىزۋگە ءبىر جارىم ميللياردتان استام قارجى بولىنگەن بولاتىن. بۇگىنگى كۇنى كوزدەلگەن جوندەۋ جۇمىستارى اياقتالىپ, قارجى تولىعىمەن يگەرىلدى. قالاداعى ورتالىق جىلىتۋ قازاندىعىنا قوسىلعان الەۋمەتتىك نىساندار مەن تۇرعىن ۇيلەردى قىس ايلارىندا قالىپتى جىلۋمەن قامتاماسىز ەتۋگە مۇمكىندىكتەر جاسالدى. م.تاعىموۆ پەن م.جۇماعازيەۆ جوندەۋ جۇمىستارىنا قاناعاتتانارلىق باعا بەردى.
سەناتورلار ساپارى توقپانساي اۋىلدىق وكرۋگىندە جالعاستى. «توقپانساي» جشس باسشىسى وتەسىن وتەپبەرگەنوۆ اۋىلدا مال شارۋاشىلىعى كەشەنى عانا ەمەس, كۇندەلىكتى قاجەتتى ازىق-ت ۇلىك ونىمدەرىن شىعاراتىن شاعىن نىساندار جۇمىس ىستەيتىنىن حاباردار ەتتى. قازىر الەۋمەتتىك نىساندار جوندەۋدەن وتكىزىلىپ, جاڭا ماۋسىمعا ساقاداي ساي ازىرلەندى. ۇيلەرگە تابيعي گاز, اۋىز سۋ كەلىپ تۇر.
سەنات دەپۋتاتتارى وسى اۋدانداعى ەسەت باتىر اۋىلىندا تۇرعىندارمەن كەزدەسىپ, ولاردىڭ ۇسىنىستارى مەن تالاپ-تىلەكتەرىن تىڭدادى. سەناتورلار ايتىلعان ماسەلەلەردى اۋدان جانە وبلىس باسشىلىعىنا جەتكىزىپ, ولاردىڭ تولىق شەشىم تابۋىن نازاردا ۇستايتىندارىن ايتتى.
سەناتور مۇحتار جۇماعازيەۆ «گرين حاۋس قازاقستان» جىلىجاي كەشەنىندە بولىپ, ونىڭ جۇمىسىمەن تانىستى. جىلىجاي كەشەنى ۇستىمىزدەگى جىلى عانا پايدالانۋعا بەرىلگەن بولاتىن. ءوندىرىس جىلىنا 6 مىڭ توننا كوكونىس ءوندىرۋ قۋاتىنا يە. جالپى كولەمى 9,5 گەكتار جىلىجاي كەشەنىندە 60 جۇمىس ورنى اشىلىپ, وبلىس حالقىن كوكونىسپەن تولىق قامتاماسىز ەتۋگە مۇمكىندىك بار.
سەناتور م.جۇماعازيەۆ مەملەكەتتىك ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا «كازاگروفينانس» اق كومەگىمەن سالىنعان جىلىجاي كەشەنىنىڭ وندىرىستىك قۋاتىن تولىق پايدالانا وتىرىپ, وبلىس حالقىمەن بىرگە شەكارالاس وڭىرلەردىڭ دە قاجەتىن وتەۋ مۇمكىندىگى مول ەكەنىن اتاپ كورسەتتى.
م.جۇماعازيەۆ سونىمەن قاتار كونسەرۆىلەنگەن ەت ونىمدەرىن شىعاراتىن «ايبەك» الەۋمەتتىك-كاسىپكەرلىك ءوندىرىس ورنىندا كەزدەسۋ وتكىزدى. قالا مەن وبلىس جۇرتشىلىعىنا ءوز ءونىمىن ۇسىناتىن سەرىكتەستىك از عانا ۋاقىت ارالىعىندا تۇتىنۋشىلار اراسىندا تانىمال بولىپ ۇلگەردى. كەزدەسۋ بارىسىندا سەناتور م.جۇماعازيەۆ ەڭ وزىق تەحنولوگيالاردى ەنگىزە وتىرىپ, ءوندىرىس اۋقىمىن كەڭەيتۋ, سوعان قاراي جۇمىس ورىندارىنىڭ سانىن ۇلعايتۋ قاجەتتىگىن ايتتى.
