ماسەلەن, بۇگىن ماسكەۋ قالاسىنىڭ سپورت جانە دەنە شىنىقتىرۋ دەپارتامەنتىنىڭ باستاماسى بويىنشا «داۋلەت» سپورت كەشەنىندە بوكستان ماسكەۋ جانە استانا جاسوسپىرىمدەر قۇراما كوماندالارى اراسىندا بىرلەسكەن جاتتىعۋ وتكىزىلۋدە.
23 تامىزدا تاياۋ جانە شىعىس ەلدەرىنىڭ مەكتەپتەرىندە ساباق بەرەتىن ورىس ءتىلى ماماندارى ءۇشىن سەمينار وتەدى. شارا قاسيەتتى كيريلل مەن مەفودي اتىنداعى رۋحاني-مادەني ورتالىقتا وتەدى. شارانىڭ ۇيىمداستىرۋشىلارى – ماسكەۋ ق. سىرتقىەكونوميكالىق جانە حالىقارالىق بايلانىستار دەپارتامەنتى جانە «ماسكەۋ حالىقارالىق ىنتىماقتاستىق ورتالىعى» مبك.
سونداي-اق, 23 تامىزدا ساعات 10.30-دان 10.50-گە دەيىن «جەرۇيىق» ساياباعىندا كەڭەس وداعىنىڭ قاھارمانى, گەنەرال ي.ۆ. پانفيلوۆتىڭ ەسكەرتكىشىنە جانە «28 پانفيلوۆشى» مەموريالىنا گۇل قويۋ ءراسىمى وتەدى.
سول كۇنى ماسكەۋ ساۋدا-ونەركاسىپتىك پالاتاسىنىڭ باستاماسىمەن ماسكەۋ جانە استانا قالالارىنىڭ ىسكەرلىك ىنتىماقتاستىق فورۋمى وتەدى.
ەلوردانىڭ تۇرعىندارى مەن قوناقتارى «ماسكەۋ جانە قازاقستان. 20 عاسىرداعى فوتولەپيس» فوتوكورمەسىنە بارا الادى.
سونىمەن قاتار, ساعات 19.00-دە «قازاقستان» كونتسەرت زالىندا استاناداعى ماسكەۋ كۇندەرى رەسمي تۇردە اشىلادى, سونىڭ اياسىندا تۇرىك حورىنىڭ گالا-كونتسەرتى وتەدى.
24 تامىزدا ەكسپو-2017 كورمەسىندە ماسكەۋدىڭ ىسكەرلىك سەسسياسى وتەدى.
ساعات 19.00-دە «استانا» كونتسەرت زالىندا ماسكەۋ مەملەكەتتىك اكادەميالىق تەاترىنىڭ گالا-كونتسەرتى وتەدى.
25 تامىزدا بىرقاتار شارالار وتەدى: اسا قاسيەتتى بوگوروديتسا ۋسپەنيانىڭ قۇرمەتىنە كافەدرالدى شىركەۋدە تاڭىرگە قۇلشىلىق ەتۋ, «ماسكەۋ-استانا» حالىقارالىق مادەني-گۋمانيتارلىق فورۋم, رەسەيگە, ماسكەۋگە, ورىس تاريحىنا, مادەنيەتىنە ارنالعان كىتاپتار جارمەڭكەسى, رەسەيدىڭ حالىق ءارتىسى, تەاتر جانە كينو ءارتىسى دميتري حاراتياننىڭ شىعارماشىلىق كەشى وتەدى.
26 تامىزدا «ماسكەۋ» جۋرنالىنىڭ باس رەداكتورى ۆلاديسلاۆ ارتەموۆتىڭ شىعارماشىلىق كەشى وتەدى.
