«جىل باسىنان بەرى ءبىزدىڭ مەكەمەگە 44 بالا قابىلداندى. سونىمەن بىرگە 48 بالا كەتتى. ونىڭ 4 مۇمكىندىگى شەكتەۋلى بالا, ولاردى قالالىق پسيحو-نەۆرولوگيالىق مەكەمەگە اۋىستىردىق. ال قالعان بالالاردىڭ بارلىعى ۇيلەرىنە قايتتى. ياعني ءوزىنىڭ بيولوگيالىق اتا-انالارى مەن تۋعان-تۋىستارىنا جانە اسىراپ الۋشى ازاماتتارعا تاپسىرىلدى. ءبىز ول ءۇشىن قۋانىشتىمىز», - دەدى مامانداندىرىلعان بالالار ءۇيىنىڭ ديرەكتورى ساۋلە كەنجەتاەۆا.
ونىڭ ايتۋىنشا, مەكەمەدەگى بالالار ءۇش باعىتقا بولىنەدى. ولار اتا-انالارى تۋا سالىسىمەن باس تارتقاندار, مۇمكىندىگى شەكتەۋلى ءارى ەرەكشە كۇتىمدى قاجەت ەتەتىن بالالار. سونداي-اق اتا-انالارى تۇرمىستىق جاعدايىنا بايلانىستى ۋاقىتشا تاپسىرعان كريزيستىك ءبولىمنىڭ بالالارى.
