شاراعا ۇيعىر حالقىنىڭ مادەنيەت قايراتكەرلەرى مەن ۇيعىر دياسپوراسىنىڭ بەلسەندىلەرى قاتىستى. ەلباسى ماقالاسىندا ايتىلعان باستى باعىتتار وسى باسقوسۋدىڭ وزەگىنە اينالىپ, وندا ايتىلعان ماقسات مىندەتتەردى ىسكە اسىرۋدىڭ تەتىكتەرى تالقىلاندى. باسەكەگە قابىلەتتىلىك, پراگماتيزم, ۇلتتىق بىرەگەيلىكتى ساقتاۋ, ءبىلىمنىڭ سالتانات قۇرۋى, سانانىڭ اشىقتىعى سياقتى ماقالادا باسا ايتىلعان تاقىرىپتار جەكە-جەكە ءسوز بولدى.
– پرەزيدەنت ماقالاسىندا ايتىلعان ءار تاقىرىپتىڭ ورنى بولەك. پرەزيدەنتىمىز ايتقانداي, «كۇللى جەر ءجۇزى ءبىزدىڭ كوز الدىمىزدا وزگەرۋدە. الەمدە باعىتى ءالى ب ۇلىڭعىر, جاڭا تاريحي كەزەڭ باستالدى. كۇن ساناپ وزگەرىپ جاتقان ءدۇبىرلى دۇنيەدە سانا-سەزىمىمىز بەن دۇنيەتانىمىمىزعا ابدەن ءسىڭىپ قالعان تاپتاۋرىن قاعيدالاردان ارىلماساق, كوش باسىنداعى ەلدەرمەن تەرەزەمىزدى تەڭەپ, يىق ءتۇيىستىرۋ مۇمكىن ەمەس». شىن مانىندە, بۇل سوزدەردە تەرەڭ ءمان بار. زامان كوشىنە ىلەسىپ جان-جاقتى دامىپ جەتىلۋىمىز ءۇشىن الەمدىك وزىق تەحنولوگيالاردى يگەرىپ, ەكونوميكامىز بەن مادەنيەتىمىزدى ودان ءارى ورىستەتۋىمىز قاجەت. «تۋعان ەل», «تۋعان جەر», «100 جاڭا ەسىم», «100 جاڭا وقۋلىق», سياقتى تىڭ باستامالار ءوزىنىڭ جەمىستى ناتيجەسىن بەرەدى دەپ ويلايمىن. بۇل ماقساتتاردىڭ بارلىعى ويداعىداي ىسكە اسۋ ءۇشىن ءار قوعام مۇشەسى ءوز ىسىنە ادال بولۋى كەرەك, – دەيدى قالالىق ارداگەرلەر كەڭەسى توراعاسىنىڭ ورىنباسارى الەۆتينا مويسەەۆا.
شارادا ءسوز العان الماتى قالالىق ارداگەرلەر كەڭەسىنىڭ مادەنيەت, ۇلتارالىق تاتۋلىق جانە باق-پەن بايلانىس بويىنشا كوميسسياسىنىڭ ءتورايىمى ۋاسيليا سادىقوۆا: «كوپتەگەن ۇلتتى تاتۋلىقتىڭ بەسىگىندە تەربەتكەن قازاقستانىمىزدىڭ قارىشتاپ دامۋى جولىندا ءاربىرىمىز تاباندى تۇردە ەڭبەك ەتەيىك. جاس ۇرپاقتارىمىز وقىسىن, الدىنا جوعارى تالاپ قويسىن, باسەكەگە قابىلەتتى جان-جاقتى ءبىلىمدى زياتكەر ازامات بولىپ قالىپتاسسىن. سوعان جاعداي جاسايىق. ء«ۇش تىلدە ءبىلىم بەرۋ», «تسيفرلى قازاقستان», «مادەني جانە كونفەسسياارالىق كەلىسىم» سىندى باعدارلامالاردى تولىق مەڭگەرۋ كوپتەگەن بيىكتەردى باعىندىرۋىمىزعا سەپ بولادى» دەپ ءوز ويىن ورتاعا سالدى.
وسىلايشا, مايەكتى ماسەلەلەردى كەڭ مازمۇندا تالقىلاعان دوڭگەلەك ۇستەلگە قاتىسۋشىلار پرەزيدەنتتىڭ «بولاشاققا باعدار: رۋحاني جاڭعىرۋ» ماقالاسى كەلەشەگىمىزگە نىق قادام جاساۋعا, باعىت-باعدارىمىزدى ايقىنداپ, ناقتى ماقسات-مىندەت قويۋمىزعا ىقپال ەتەتىن قۇندى قۇجات ەكەنىن ايتىپ تارقاستى.
ارمان وكتيابر,
«ەگەمەن قازاقستان»
الماتى
