وبلىسقا جۇمىس ساپارىمەن كەلگەن دەپۋتات قالا مەكتەپتەرىنىڭ مۇعالىمدەرىمەن جانە باق وكىلدەرىمەن كەزدەسىپ, ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسىنا قاتىستى ءتۇسىندىرۋ جۇمىستارىن جۇرگىزدى. ماقالادا كورسەتىلگەن اسپەكتىلەر – باسەكەلىك قابىلەت, پراگماتيزم, ءبىلىمنىڭ سالتانات قۇرۋى, سانانىڭ اشىقتىعى ماسەلەلەرىن كەڭىنەن ايتىپ ءوتتى. باعدارلامالىق ماقالانىڭ وبلىستا ىسكە اسۋ تەتىكتەرىنە توقتالىپ, قازالى جانە قارماقشى اۋداندارىندا اتقارىلعان جۇمىستارعا وڭ باعاسىن بەردى.
سونىمەن بىرگە, ناتاليا جۇمادىلداەۆا ءوزىنىڭ دەپۋتاتتىق قىزمەتى تۋرالى باياندادى. ەكىنشى سەسسيادا اتقارعان جۇمىستارى مەن قازىرگى قارالىپ جاتقان زاڭ جوبالارى جايلى ماعلۇمات بەرىپ, وبلىس تۇرعىندارىنان زاڭ جوبالارىنا ءوز ۇسىنىستارى مەن پىكىرلەرىن جولداۋدى سۇرادى. قابىلدانعان نەمەسە قازىرگى قاراۋدا جاتقان زاڭ جوبالارىنىڭ حالىق اراسىندا پايدالانىلۋداعى جاعدايىن زەردەلەپ, قاجەت بولعان جاعدايدا, ۇسىنىس بەرىپ, جەرلەستەرىنىڭ وتىنىشتەرىن جەتكىزەتىنىن مالىمدەدى.
كەزدەسۋگە قاتىسۋشىلاردىڭ پىكىرىن تىڭداپ, سۇراقتارىنا جاۋاپ بەرىپ, بارشا ۇستازدار قاۋىمىن جاڭا وقۋ جىلىمەن قۇتتىقتادى.
«ەگەمەن-اقپارات»
