شۇعىل ارەكەت ەتەتىن ارنايى وترياد قىزمەتكەرى اعا لەيتەنانت ۆاسيلي كۋچەرۋك پەن لەيتەنانت جانىبەك كەنجەبەك ۇلى جانە جول-پاترۋلدىك پوليتسياسىنىڭ كىشى سەرجانتى دانيار يگىلىكوۆ ءتۇن ورتاسىندا وبلىس ورتالىعىنداعى ۋرالسك كوشەسىمەن كەتىپ بارا جاتقان جەڭىل ماساڭ جىگىتتى توقتاتتى.
«بۇل كۇندەلىكتى قۇجات پەن تەلەفوننىڭ يمەي كودىن تەكسەرۋ بولاتىن. بۇل قوعامدىق ءتارتىپ پروفيلاكتيكاسى جانە ءموبيلدى تەلەفوندار ۇرلىعىن اشۋ ءۇشىن جۇرگىزىلەدى» دەيدى ۆاسيلي كۋچەرۋك.
جۇرگىنشىنىڭ كىم ەكەنىن انىقتاعان سوڭ, پوليتسەيلەر ونىڭ قولىنداعى «سامسۋنگ گالاكسي» ماركالى تەلەفونىنىڭ كودىن تەكسەردى. تەكسەرۋدەن كەيىن كەزەكشى بۇل تەلەفوننىڭ 2013 جىلدان بەرى ىزدەۋدە, ونىڭ قوستاناي قالاسىنىڭ تۇرعىنىنا تيەسىلى ەكەندىگىن حابارلادى. ۇستالعان جىگىت تەلەفوندى ءبىر تاكسيستەن ارزان باعاعا ساتىپ العاندىعىن ايتتى. قازىر تەكسەرۋ جۇرگىزىلۋدە.
جىل باسىنان بەرى قوستانايدا پوليتسەيلەر 438 ۇيالى تەلەفون ۇرلىعىن اشتى. ۇرلىقتى اشۋ تۇرعىنداردى تەكسەرۋ ناتيجەسىندە مۇمكىن بولدى.
ءنازيرا جارىمبەت,
«ەگەمەن قازاقستان»
قوستاناي
