Oتىرىس بارىسىندا ساراپشىلاردىڭ قازاق ءتىلىن لاتىن الىپبيىنە كوشىرۋ جوباسى بويىنشا ءتيىستى جۇمىس توبى وسى كۇزدە جاڭا ءالىپبيدىڭ نۇسقاسىن قاراۋعا ۇسىناتىنى, «قازاق تىلىندەگى 100 جاڭا وقۋلىق» جوباسى اياسىندا گۋمانيتارلىق پاندەر بويىنشا 17 وقۋلىقتىڭ ءتىزىمى جاسالىپ, اۋدارىلا باستاعانى, «قازاقستاننىڭ كيەلى جەرلەرىنىڭ گەوگرافياسى» جوباسى اياسىندا رەسپۋبليكالىق دەڭگەيدەگى 100, وڭىرلىك دەڭگەيدەگى 500 نىساننىڭ تاڭداپ الىنعانى بەلگىلى بولدى. سونداي-اق, «جاھانداعى زاماناۋي قازاقستاندىق مادەنيەت» جوباسى بويىنشا ۇزدىك تۋىندىلاردىڭ ءتىزىمى جاسالعان. وعان ادەبيەت سالاسىنداعى 216, «تەتار, كينو جانە حورەوگرافيا» جانرىندا 48, بەينەلەۋ ونەرى بويىنشا 182, مۋزىكا سالاسىندا 200-دەن استام شىعارما ەنگىزىلگەن. ال, «قازاقستانداعى 100 جاڭا ەسىم» جوباسىنا رەسپۋبليكا بويىنشا 1500 ءوتىنىم تۇسكەن, بىراق ولار اشىق داۋىس بەرۋ ناتيجەسىندە انىقتالاتىن بولادى.
مۇحتار مAنكەەۆ, «قازاقستان-2050» جالپىۇلتتىق قوزعالىسى كەڭەسىنىڭ توراعاسى:
– ءبىزدىڭ قوزعالىس تاراپىنان بىرنەشە جوبالار جۇزەگە اسۋدا. ونىڭ ءبىرىنشىسى – لاتىن الىپبيىنە كوشىرۋ جوباسىن قولداۋ بويىنشا كورمە وتكىزۋ. بۇل باعىتتا ەكى كورمە وتكىزدىك. وتكەن عاسىردا ەلىمىزدە لاتىن ءالىپبيىنىڭ داۋرەنى ءجۇرىپ تۇرعان كەزدە شىققان 1500 كىتاپتى تاپتىق. جىلدىڭ سوڭىنا دەيىن كورمەنى بارلىق وڭىردە وتكىزۋدى جوسپارلاپ وتىرمىز. ەكىنشى, رۋحاني جاڭعىرۋ اياسىندا جوبالار رەەسترى دەگەن بار. سونىڭ قاتارىندا كراۋدسورسينگ.كز دەگەن اۋقىمدى جوبا بار. بۇل پيلوتتىق جوبا باتىس قازاقستان وبلىسىنىڭ ورال قالاسىندا باستالۋدا. باستى ماقساتى – جەرگىلىكتى اتقارۋشى ورگاندار مەن قوعامنىڭ اراسىنداعى كوممۋنيكاتسيالىق كەدەرگىلەردى جويۋ. قازىر بيلىك تاراپىنان كوپتەگەن جاقسى باستامالار كوتەرىلىپ, وڭىرلەردى دامىتۋعا ارنالعان جاقسى باعدارلامالار شىعىپ جاتىر. بىراق, قوعاممەن, ياعني, حالىقپەن سويلەسكەن كەزدە ولاردىڭ 70-80 پايىزى الگى باعدارلامالار تۋرالى, ولاردىڭ قانداي ناتيجەلەرگە جەتكىزەتىنىن بىلمەيدى ەكەن. سوندىقتان, جەرگىلىكتى اتقارۋشى ورگاندار قانداي دا ءبىر جوبانى نەمەسە باعدارلامانى ۆەب-پورتالعا جاريالاپ, حالىقپەن تالقىلاسا دەگەن يدەيا ايتتىق. بۇل يدەيامىز قولداۋ تاپتى جانە رۋحاني جاڭعىرۋ باعدارلاماسى اياسىندا ىسكە اسىرىلاتىن بولادى. ياعني, كراۋدسورسينگ.كز جوبامىز باعدارلاماعا ەنگىزىلدى. قازان ايىنان باستاپ جۇزەگە اسىرىلا باستايدى, - دەدى ۇلتتىق كوميسسيا مۇشەسى.
