ءا.جاقسىبەكوۆتىڭ ايتۋىنشا, ەلباسىنىڭ «رۋحاني جاڭعرۋ» باعدارلاماسىن جۇزەگە اسىرۋدا ناقتى قادامدار جاسالىپ, ورتالىق جانە جەرگىلىكتى اتقارۋشى مەملەكەتتىك ورگاندار جۇمىسقا بەلسەندى قاتىسىپ كەلەدى. سونداي-اق, وبلىستاردا ارنايى كوميسسيالار, جوبالىق كەڭسەلەر, ساراپشى توپتار قۇرىلىپ, جۇمىستىڭ العاشقى ناتيجەلەرى كورىنە باستادى. «وزدەرىڭىز كوپ جۇمىس جاسالعانىن كوردىڭىزدەر. ۇلتتىق كوميسسيانىڭ ارنايى توپتارى جۇمىستارىنىڭ العاشقى ناتيجەلەرى بار. ءبىز وسى شارالاردى ۇيىمداستىرۋدا جاڭا دەڭگەيگە شىقتىق. بۇگىندە جاڭا ءالفاۆيتتىڭ جوباسى جاسالدى. كيەلى جەرلەردىڭ گەوگرافياسى بويىنشا 600 نىسان بەلگىلەندى. ولاردىڭ 22-سىندە عىلىمي-رەستاۆراتسيالىق جۇمىستار باستالدى. «تۋعان جەر» باعدارلاماسى بويىنشا كەڭ كولەمدە جۇمىستا جۇرگىزىلۋدە. مادەنيەت باعىتىندا ەڭ جاقسى شىعارمالار تاڭداپ الىندى. 17 وقۋلىققا اۋدارما جاسالۋدا. بۇل وسى جۇمىستاردىڭ باسى عانا» دەدى پرەزيدەنت اكىمشىلىگىنىڭ باسشىسى – ۇلتتىق كوميسسيا توراعاسى.
ءا.جاقسىبەكوۆ باعدارلامانىڭ اۋقىمدى جالپى ۇلتتىق جوباعا اينالۋ قاجەتتىگىن ايتتى. سونداي-اق, وتىرىستا قارالاتىن ەكى ماسەلەگە ارنايى توقتالدى. ونىڭ ءبىرى – «رۋحاني جاڭعىرۋ» باعدارلاماسى بويىنشا وڭىرلەردە اتقارىلعان جۇمىستاردىڭ العاشقى ناتيجەلەرى بولسا, ەكىنشىسى – جۇمىس توپتارى قىزمەتىنىڭ ناتيجەلەرى.
ايگۇل سەيىل,
«ەگەمەن قازاقستان»
سۋرەتتى تۇسىرگەن
ورىنباي بالمۇرات,
«ەگەمەن قازاقستان»
