جىل: 2017
ەل: اقش
رەجيسسەر: پاتريك حيۋز
باستى رولدەردە: رايان رەينولدس, سەميۋەل ل. دجەكسون, گەري ولدمان, سالما حايەك, ەلودي يۋنگ, جواكيم دي المەيدا, ريچارد ە. گرانت
پروديۋسەر: دەۆيد ەلليسون, مارك گيلل, دەنا گولدبەرگ, دجون تومپسون
جانر: كومەديا, بوەۆيك
الەمدىك پرەمەرا: 10 تامىز 2017
قازاقستانداعى پرەمەرا: 17 تامىز 2017
جاس شەكتەۋى:R رەيتينگى – 17 جاسقا دەيىنگى تۇلعالار ءۇشىن ەرەسەكتەردىڭ قاداعالاۋى مىندەتتى
ۇزاقتىعى: 118 مينۋت
وقيعا جەلىسى بويىنشا وققاعارعا (رايان رەينولدس) ەجەلدەن اتا جاۋىنا اينالعان كيللەردى قورعاۋ تاپسىرىلادى. جۇمىسىنا ادالدىق تانىتقان وققاعار الەمدەگى ەڭ تانىمال قىلمىسكەرمەن (سەميۋەل ل. دجەكسون) بىرگە بۇۇ-نىڭ حالىقارالىق سوتىنىڭ رەزيدەنتسياسىنا دەيىن بىرگە بارادى. جولاي قاتىگەز ديكتاتوردىڭ (گەري ولدمان) قۇرىعىنان ءتىرى قۇتىلۋ ءۇشىن ولار ىنتىماقتا تويتارىس بەرۋگە كوشەدى.
ءفيلمنىڭ نەگىزگى ءتۇسىرىلىم جۇمىستارى 2016 جىلدىڭ 2 ساۋىرىندە لوندون, امستەردامدا باستالدى. 2011 جىلى مامىردا توم و'كوننور جازعان ستسەناري جەلىسى ەكرانيزاتسيالانباعان جۇمىستاردىڭ ىشىندەگى ۇزدىگى رەتىندە تانىلدى. اۋەلگىدە شىعارما دراما جانرىندا ۇسىنىلعان-تۇعىن. ءتۇسىرىلىم جۇمىستارىنا ەكى-اق اپتا قالعان ۋاقىتتا شىعارما كومەديا رەتىندە باستان-اياق قايتا جازىلدى.
رەتسەنزيا اگرەگاتورى سانالاتىن «Rotten Tomatoes» سايتىندا فيلم رەيتينگى ورتاشا دەڭگەيدە (5,9/10) دەپ باعالانعان. ال امەريكالىق Variety جۋرنالىندا پيتەر دەبيۋرگ ءفيلمدى جازدىڭ سوڭىنداعى ەرەكشە سىيلىق بولعاندىعىن ايتىپ, «كينو تابيعاتى مۋلتفيلمگە جاقىن. رايان رەينولدس, سەميۋەل ل. دجەكسون ءازىل-قالجىڭعا تولى ءىس-ارەكەتىمەن ناعىز كومەديا جاساپ شىعاردى» دەيدى.
ايا ءومىرتاي,
"ەگەمەن قازاقستان"
