سەبەبى ولار كەشە عانا ءوز نارازىلىقتارىن بىلدىرگەن ەدى. اسىرەسە, مەديتسينا سالاسىن تاڭداعان تالاپكەرلەر الاڭداۋلى. اتا-انالار بيۋدجەتتەن قاراستىرىلعان ءبىلىم گرانتتارى ادىلەتسىز بولىنگەن دەپ ەسەپتەيدى. سەبەبى, ءبىلىم گرانتىنان قاعىلعانداردىڭ دەنى – «التىن بەلگى» يەگەرلەرى.
ايتا كەتەيىك, بيىلعى وقۋ جىلىنا مەملەكەتتەن 37 932 ءبىلىم گرانتى بولىنگەن بولاتىن. نارازى توپپەن كەزدەسكەن مينيستر ءاربىر ارىز-شاعىم جەكە قارالادى دەپ ءسوز بەردى.
ء«بىز بارلىق ارىز-شاعىمدى جەكە-جەكە قاراپ, «التىن بەلگى» يەگەرلەرى ءۇشىن جاڭا ءتىزىم جاسايمىز. ولاردىڭ بارلىعى جوعارعى وقۋ ورىندارىنداعى رەزەرۆپەن قارجىلاندىرىلادى. بىراق شاعىمدانۋشىلاردىڭ بارلىعىن بىردەي گرانتپەن قامتيمىز دەپ ايتا المايمىز. بارىنشا جوعارعى وقۋ ورىندارىنىڭ رەكتورلارىمەن كەلىسىم جاساۋعا تىرىسامىز», دەدى ەرلان ساعاديەۆ.
