ماڭعىستاۋ وبلىسىنىڭ ەتنو-مادەني كەرۋەن قاتىسۋشىلارى ەلوردا قوناقتارى مەن تۇرعىندارىنا اۋقىمدى باعدارلاما دايىنداعان.
مادەنيەت كۇندەرىنىڭ اشىلۋى 15 تامىز كۇنى ساعات 21.30-دا «ەكسپو-2017» الاڭىنداعى امفيتەاتردا وتەدى.
15-18 تامىز ارالىعىندا قازاقستان ەستراداسىنىڭ تانىمال جۇلدىزدارىنىڭ جانە ماڭعىستاۋ وبلىسىنىڭ شىعارماشىلىق ۇجىمدارىنىڭ قاتىسۋىمەن 40-قا جۋىق مادەني شارا وتكىزۋ جوسپارلانۋدا.
مادەنيەت كۇندەرى بارىسىندا اقتاۋدا ۇيىمداستىرىلعان جانە ماقتانىشپەن كورسەتەتىن ەڭ قىزىقتى مادەني شارالار مەن وقيعالار ۇسىنىلادى. شارادا زاماناۋي ەسترادالىق ونەرمەن قاتار, حالىق شىعارماشىلىعى قامتىلادى. كونتسەرتتىك باعدارلامادا ماڭعىستاۋ وبلىسىندا شىعارماشىلىق جولىن باستاعان ا.قوسانوۆا, تامارا اسار, كامشات جولدىباەۆا, عالىمجان جولداسباي, لۇقپان جولداسوۆ ونەر كورسەتەدى.
كونگرەسس-حوللدا ماڭعىستاۋ وبلىستىق م.وسكىنباەۆ اتىنداعى فيلارمونياسى ا.تاراق ۇلى اتىنداعى ۇلت-اسپاپتار وركەسترىنىڭ ءداستۇرلى ءان-كۇي-جىر سازدارىنىڭ كونتسەرتى بولادى.
18 تامىز كۇنى ساعات 19.00-دە م.گوركي اتىنداعى مەملەكەتتىك اكادەميالىق ورىس دراما تەاترىندا ن.ءجانتورين اتىنداعى وبلىستىق مۋزىكالىق-دراما تەاترىنىڭ «شىڭىراۋ» سپەكتاكلى وتەدى.
مادەنيەت كۇندەرى ماڭعىستاۋ وبلىسىنىڭ ۇلتتىق ناقىشتاعى ەرەكشە قولونەر بۇيىمدارى نازارعا ۇسىنىلادى. بۇدان بولەك, ەتنواۋىلدا كورەرمەندەر ۇلتتىق ويىنداردى تاماشالاي الادى.
بارلىعى استاناعا ماڭعىستاۋدان 600 ادام كەلەدى جانە وبلىستىڭ مادەني مۇرالارىن پاش ەتەدى.
