گ.وستەردىڭ «مازاسىز ءتيىن» تۋىندىسى قاليبەك قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىندا ساحنالاندى. ۇلكەنگە سىيلاستىق, كىشكەنتاي بالالارعا قامقور بولۋ, دوستارىنا كومەك قولىن سوزۋ سىندى كورىنىستەر سپەكتاكلدە ايرىقشا سيپاتتالعان. ونەرپازدار ءتۇرلى اڭداردىڭ كەيپىنە ەنىپ, جانۋارلاردىڭ ءىس – قيمىلىن, سويلەگەن ءسوزىن بالالارعا شەبەر جەتكىزە ءبىلدى. قويىلىم رەجيسسەرى – ە.ابجاليەۆ, سۋرەتشىسى – ق.ومىربەكوۆ. سونىمەن قاتار قويىلىمدا م.ورازاليەۆا, ا.ورىنباەۆا, ن.يبراەۆا, م.اليحانوۆ, ق.ابجاليەۆ, ە.ابجاليەۆ جانە ت.ب ارتيستەر ونەر كورسەتتى.
وسى كۇنى ماكسيم گوركي اتىنداعى مەملەكەتتىك اكادەميالىق ورىس دراما تەاترىندا م.احۋنزادەنىڭ «كەتپەيسىڭ. بولدى, كەتپەيسىڭ...» سپەكتاكلىنىڭ پرەمەراسى كورسەتىلىپ, قىزىلوردالىق ونەرپازدار كورەرمەندەر ىقىلاسىنا بولەندى. ايتا كەتەيىك, سپەكتاكلدىڭ قويۋشى رەجيسسەرى – قازاقستاننىڭ ەڭبەك سىڭىرگەن ءارتيسى, «قۇرمەت» وردەنىنىڭ يەگەرى مۇرات احمانوۆ. سونداي-اق, پرەمەراعا ءسابيت راحمان اتىنداعى شەكي مەملەكەتتىك دراما تەاترىنىڭ باس رەجيسسەرى, ازەربايجان رەسپۋبليكاسىنىڭ ونەر قايراتكەرى ميربالا ساليملي سەيداسكەروگلى قاتىستى.
ەستەرىڭىزگە سالا كەتەيىك, استانادا «ەكسپو-2017» حالىقارالىق مامانداندىرىلعان كورمەسى اياسىندا 10-14 تامىز كۇندەرى قىزىلوردا وبلىسىنىڭ مادەني كۇندەرى وتۋدە.
