جۋىردا اتالمىش مەكتەپ جانىندا جەرلەس باتىرعا ءمۇسىن ورناتىلدى. ءمۇسىننىڭ اۆتورى – ساۋلەتشى ەلي كاچۋەۆ. سالتاناتتى شاراعا باتىردىڭ تۋىستارى مەن قىزى كلارا مارتبەكقىزى مامىراەۆا, سونىمەن قاتار قالالىق ءماسليحات حاتشىسى قۇدايبەرگەن بەكسۇلتانوۆ, وكتيابر اۋدانىنىڭ اكىمى ءالىمجان قاناەۆ, ارداگەرلەر كەڭەسىنىڭ توراعاسى مارات ايماعامبەتوۆ قاتىستى.
ق.بەكسۇلتانوۆ مۇنداي ءىس-شارالاردىڭ ەسكەرتكىش جانىندا ۇيىمداستىرىلۋى پاتريوتتىق تاربيە بەرۋدە وتە ماڭىزدى ەكەنىن اتاپ ءوتتى. ايتا كەتەيىك, تۇعىرعا قونعان تۇلعا ەرلىك ىستەرىمەن ەل ەسىندە قالعان داڭقتى باتىر. ول 1908 جىلى 2 ناۋرىزدا №20 اۋىلدا (قازىرگى قارقارالى اۋدانىنىڭ اقجول اۋىلىندا) دۇنيەگە كەلگەن. 1942 جىلى ۇلى وتان سوعىسىنا اتتانادى. دنەپردى الۋدا تانىتقان اسكەري ەرلىگى ءۇشىن مارتبەك مامىراەۆقا كسرو جوعارى كەڭەسى پرەزيديۋمىنىڭ جارلىعىمەن 1944 جىلى 15 قاڭتاردا كەڭەس وداعىنىڭ باتىرى اتاعى مەن لەنين وردەنى جانە «التىن جۇلدىز» مەدالى بەرىلگەن. كەڭەس اسكەرىنىڭ قۇرامىنان دەموبيليزاتسيالانعان سوڭ مارتبەك مامىراەۆ كيروۆ اتىنداعى شاحتادا پارتيا ۇيىمىن باسقاردى, ودان كەيىن قاراعاندى قالاسىنىڭ لەنين اۋداندىق پارتيا كوميتەتىنىڭ ءبىرىنشى حاتشىسى بولدى, كەنشىلەر استاناسى اتقارۋ كوميتەتى توراعاسىنىڭ ورىنباسارلىعىنا سايلاندى. ءومىرىنىڭ سوڭعى كەزىندە ول حيميا-مەتاللۋرگيا ينستيتۋتىندا ەڭبەك ەتتى.
ميراس اسان,
«ەگەمەن قازاقستان»
قاراعاندى وبلىسى
