ەستەرىڭىزگە سالا كەتسەك, ۇستىمىزدەگى جىلدىڭ ماۋسىم ايىندا جۇمىس اتاۋى «ەلباسى جولى. بەيبىتشىلىك كىندىگى» جانە «تۇمار پاتشايىم» اتتى كينوجوبالارعا اكتەرلەر اراسىندا رەسپۋبليكالىق كاستينگ جاريالانعان بولاتىن.
بۇل فيلمدەردى قر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق «Sataifilm» كينوكومپانياسىمەن بىرلەسىپ تۇسىرگەلى وتىر. قويۋشى رەجيسسەرى اقان ساتاەۆ.
ايتا كەتسەك, اتالعان فيلمدەرگە كاستينگ قازاقستاننىڭ شىعىس وڭىرلەرىندە – سەمەي, پاۆلودار, وسكەمەن قالالارىندا وتكىزىلگەن بولاتىن. جاقىن كۇندەرى كاستينگ تومەندەگى قالالاردا وتكىزىلەتىن بولادى:
قوستاناي قالاسىندا – 14 جانە 15 تامىزدا, ءى.وماروۆ اتىنداعى وبلىستىق قازاق دراما تەاترىندا (تاران كوش., 144).
اقتوبە قالاسىندا – 17 جانە 18 تامىزدا, ت.اقتانوۆ اتىنداعى قازاق دراما تەاترىندا (ت.اقتانوۆ كوش., 52).
ورال قالاسىندا – 20 جانە 21 تامىزدا, باتىس قازاقستان وبلىستىق قازاق دراما تەاترى (دوستىق داڭع., 185).
اتىراۋ قالاسىندا – 23 جانە 24 تامىزدا, ن.ءجانتورين اتىنداعى اتىراۋ وبلىستىق فيلارمونياسى (م.وتەمىسوۆ كوش., 115).
اقتاۋ قالاسىندا – 26 جانە 27 تامىزدا, م.وسكەنباەۆ اتىنداعى ماڭعىستاۋ وبلىستىق فيلارمونياسى (5 ىقشام-اۋدانى, 30 ءۇي).
قىزىلوردا قالاسى – 29 جانە 30 تامىزدا, ا.توقماعانبەتوۆ اتىنداعى مادەنيەت ءۇيى (قازىبەك بي كوش., 21).
تاراز قالاسى – 1 جانە 2 قىركۇيەك, جامبىل وبلىستىق قازاق دراما تەاترى (اباي داڭع., 115).
شىمكەنت قالاسى – 4, 5 جانە 6 قىركۇيەك, ج.شانين اتىنداعى وبلىستىق قازاق دراما تەاترى («نۇرسات» ىقشاماۋدانى, استانا داڭع.).
تەاتر جانە كينو اكتەرلەرى ءبىرىنشى بولىپ قابىلدانادى. كاستينگكە قاتىسام دەۋشىلەر كورسەتىلگەن مەكەن-جايعا ساعات 9:00-18:00 ارالىعىندا كەلۋى ءتيىس (13:00-14:00 ءۇزىلىس).
