«قازگيدرومەتتىڭ» حابارلاۋىنشا الداعى ءۇش تاۋلىكتە ەلىمىزدىڭ وڭتۇستىگىندە نايزاعايلى جاڭبىر جاۋىپ, جەل كۇشەيەدى. 11-12 تامىز كۇندەرى جامبىل وبلىسىنىڭ كەي جەرلەرىندە نايزاعاي, تۇمان, بۇرشاق جاۋى, داۋىل سوعۋى ىقتيمال, باتىس, سولتۇستىك-باتىستان سوعاتىن جەل سولتۇستىك-شىعىس جەلىنە اۋىسادى, جەلدىڭ كۇشى 23-28 م/س-قا كۇشەيۋى مۇمكىن. قىزىلورداوبلىسىنىڭ كەي جەرلەرىندە سولتۇستىكتەن, سولتۇستىك-شىعىستان سوققان جەل 15-20 م/س-قا كۇشەيىپ, شاڭدى داۋىل سوعادى. تەمپەراتۋرالىق فونعا جانە جاڭبىردىڭ جاۋىنا بايلانىستى الماتى وبلىسىنىڭ تاۋلارىندا سەل ءجۇرۋ قاۋىپى بار.
ەلىمىزدىڭ شىعىسى مەن باتىسىندا دا اۋا رايى قۇبىلمالى بولادى. اتاپ ايتقاندا, شىعىس قازاقستان وبلىسىنىڭ كەي اۋماعىندا نوسەر جاۋىپ, نايزاعاي وينايدى, بۇرشاق جاۋى دا مۇمكىن. جەل كۇشەيىپ, 23-28 م/س-قا دەيىن جەتەدى. وسكەمەن قالاسىنداعى جەلدىڭ كۇشى 15-20 م/س بولادى. ال ماڭعىستاۋ وبلىسىنىڭ كەي جەرلەرىندە نايزاعاي جارقىلداپ, بۇرشاق جاۋادى دەپ بولجانۋدا. جەل سولتۇستىكتەن, سولتۇستىك-شىعىس باعىتتان سوعىپ, 15-20 م/س-قا جەتەدى. اقتاۋ قالاسىندا سولتۇستىك جانە سولتۇستىك-شىعىستان سوققان جەلدىڭ كۇشى 18 م/س بولادى.
