اتالعان 209 ينۆەستيتسيالىق جوبانىڭ ىسكە اسىرىلۋىنا 64,9 ملرد تەڭگە بولىنگەن. بۇگىن بۇل تۋرالى وبلىس اكىمى ج. تۇيمەباەۆتىڭ قاتىسۋىمەن وتكەن سەلكتورلىق وتىرىستا وبلىستىق قۇرىلىس باسقارماسىنىڭ باسشىسى قۇتتىبەك جاماشەۆ ءمالىم ەتتى.
قۇرىلىسى جوسپارلانعان 209 نىساننىڭ 93-ءى 2018 جىلعا وتپەلى. اتاپ ايتقاندا, 79 ءبىلىم بەرۋ نىسانى, 38 دەنساۋلىق ساقتاۋ نىسانى, 1 الەۋمەتتىك قامتۋ, 3 سپورت, 4 مادەنيەت, 1 اۋىل شارۋاشىلىعى, 1 ىشكى ىستەر ورگاننىڭ, 1 مۇراعات, 2 اباتتاندىرۋ, 1 قورشاعان ورتانى قورعاۋ, 57 تۇرعىن ءۇي جانە 21–ينجەنەرلىك-كوممۋنيكاتسيالىق نىساننىڭ قۇرىلىسى جوسپارلانعان.
ء«بىلىم بەرۋ سالاسىنا جالپى 79 (76 مەكتەپ, 1 مەكتەپ-ينتەرنات, 2 كوللەدج) نىساندا قۇرىلىس جۇمىستارىن جۇرگىزۋگە 31,2 ملرد تەڭگە باعىتتالعان, ونىڭ ىشىندە ۇلتتىق قوردان – 17,4 ملرد تەڭگە قارالىپ, «نۇرلى جول» باعدارلاماسى شەڭبەرىندە 32 مەكتەپ قۇرىلىسىن جۇرگىزۋ جوسپارلانعان», - دەيدى قۇتتىبەك راحماتۋللا ۇلى.
سونداي-اق 2016-2017 وقۋ جىلدارىندا وبلىستاعى 94 ءبىلىم بەرۋ نىساندارىندا كۇردەلى جوندەۋ جۇمىستارى جۇرگىزىلگەن. ال بيىل اۋداندىق, قالالىق بيۋدجەت ەسەبىنەن 43 مەكتەپ پەن 2 بالاباقشادا كۇردەلى جوندەۋ جۇمىستارىنا 2,6 ملرد تەڭگە قارالعان. بۇگىنگى تاڭدا 45 ءبىلىم بەرۋ نىسانىنىڭ 36-سىندا كۇردەلى جوندەۋ جۇمىستارى جۇرۋدە. قالعان 9 نىساندا مەملەكەتتىك ساتىپ الۋ كونكۋرىسى وتۋدە. وسى ماسەلەلەرگە توقتالعان وبلىستىق ءبىلىم باسقارماسى باسشىسىنىڭ مىندەتىن اتقارۋشى ر. ەرگاشوۆا سارىاعاش اۋدانىنداعى 15 ءبىلىم بەرۋ نىسانى مەن تۇلكىباس اۋدانىنداعى 4 مەكتەپتىڭ كۇردەلى جوندەۋ جۇمىستارى كەلەسى جىلعا وتپەلى بولىپ وتىرعاندىعىنا توقتالدى.
«وبلىسىمىزداعى بارلىق مەكتەپتەردەگى كۇردەلى جانە جالپى جوندەۋ جۇمىستارى وقۋ ماۋسىمى باستالعانشا ءبىتۋى ءتيىس. قۇرىلىستىڭ ساپالى ءارى مەرزىمدى اياقتالۋىنا ءمان بەرىلۋى كەرەك. سونداي-اق جوبالاۋ سمەتالىق قۇجاتتاما جۇمىستارىن تەزدەتىپ ءبىتىرۋدىڭ جولدارىن قاراستىرعان ءجون. بۇل رەتتە اۋدان اكىمدەرى ءار اپتا سايىن اتقارىلعان جۇماستاردىڭ ناتيجەسىن بايانداپ وتىراتىن بولادى», - دەدى جانسەيىت قانسەيىت ۇلى.
سەلەكتورلىق جيىندا وبلىستىق دەنساۋلىق ساقتاۋ باسقارماسىنىڭ باسشىسى مۇحان ەگىزباەۆ ءسوز الىپ, قازىرگى تاڭدا 5 نىساندا كۇردەلى جوندەۋ جۇمىستارى جۇرگىزىلىپ جاتقاندىعىن ايتتى. بۇدان بولەك, 34 نىساننىڭ جوبالاۋ سمەتالىق قۇجاتتامالارى ازىرلەنۋدە. بۇل جۇمىستارعا 3,8 ملرد تەڭگە بولىنبەك.
