كونكۋرسقا قازاقستان-چەرنوگريا كەزدەسۋىنە 225 بيلەت ۇمىتكەر رەتىندە قاتىستى. ياعني, وسى ماتچقا بيلەت العان جانكۇيەر بىردەن ۇتىس ويىنىنا قاتىسۋ قۇقىعىنا يە بولدى. جەڭىمپاز كەز كەلگەن ساندى تاڭدايتىن Random سايتى ارقىلى انىقتالدى. ناتيجەسىندە, الماتى قالاسىنىڭ تۇرعىنى انۋار ءادىلحان جەڭىسكە جەتتى. ول وسى كونكۋرس ءۇشىن ارنايى ءتورت بيلەت ساتىپ العان.
- انۋار «مانچەستەر يۋنايتەد» كلۋبىنىڭ جانكۇيەرى. ول وسى ارقىلى قازاقستاندىق كوماندالارعا عانا ەمەس, سونداي-اق, الەمدىك كلۋبتارعا دا قالاي جانكۇيەرلىك ەتۋ كەرەكتىگىن كورسەتتى, - دەدى قازاقستان فۋتبول فەدەراتسياسى الماتى ءبولىمىنىڭ ديرەكتورى ابدىحالىق بازارقۇلوۆ. – 1 قىركۇيەك كۇنى ۇلتتىق قۇرامامىز استانادا چەرنوگورياعا قارسى ويىندا ءبىزدى تاعى دا قۋانتادى دەپ ۇمىتتەنەمىن. انۋار سەكىلدى جانكۇيەرلەردىڭ ارقاسىندا بۇل ماقساتىمىزعا دا جەتەمىز دەپ ويلايمىن.
سالتاناتتى شاراعا قازاقستان فۋتبول فەدەراتسياسىنىڭ وكىلدەرىنەن بولەك Lufthansa اۋە كومپانياسىنىڭ قىزمەتكەرلەرى, ۇتىس ويىنىنا دەمەۋشىلىك ەتكەن يرينا رىبالكو مەن ولگا مەدۆەدەۆا قاتىستى.
- ۋەفا سۋپەركۋبوگىنىڭ ويىنىن ستاديوننان كورۋ مۇمكىندىگىنە يە بولعانىما قۋانىپ وتىرمىن, - دەدى جەڭىمپاز. – شامامەن 15 جىلدان بەرى «مانچەستەر يۋنايتەدكە» جانكۇيەرلىك ەتىپ كەلەمىن. 8 تامىز كۇنى سۇيىكتى كوماندامدى بارىنشا قولداۋعا تىرىسامىن. بۇل تارتىستى ماتچ بولارى انىق.
ۋەفا سۋپەركۋبوگىندا ەۋروپا ليگاسىنىڭ جەڭىمپازى اعىلشىننىڭ «مانچەستەر يۋنايتەد» كومانداسى مەن چەمپيوندار ليگاسىندا توپ جارعان يسپانيالىق «رەال مادريد» كەزدەسەتىن بولادى. ۋەفا سۋپەركۋبوگى وسىمەن 42-ءشى رەت ساراپقا سالىنباق.
