«پارا الۋ ارقىلى ا. جانكين ورىندالماعان جۇمىستاردى جاسىرىپ قالعان. ياعني, مەردىگەر كومپانيا قىزىلجار اۋدانىنداعى 948-ءشى شاقىرىمدا ورنالاسقان «ۋ كسيۋشي» ءدامحاناسىنىڭ ماڭىندا بايقاۋ ەستاكاداسىن جانە دەمالىس كۇركەسىن ورناتۋلارى ءتيىس ەدى. بۇدان بولەك, «لانا» ءدامحاناسىنان «وڭتۇستىك» باقىلاۋ بەكەتىنە دەيىنگى جولدا قورشاۋ تۇرعىزىلۋ كەرەك ەدى. بىراق, بۇل جۇمىستار اتقارىلماعان.ء ىستىڭ سوڭى پارا الۋمەن اياقتالعان», دەيدى پروكۋرور راۋان بوستانوۆ.
قۇدىكتى ءوز كىناسىن تولىق مويىنداعاندىقتان, قورعاۋشى قىلمىستىق ءىستى قىسقارتىلعان تارتىپپەن قاراۋدى ۇسىنىپ, ءوتىنىشتى سۋديا قابىل الدى.
قورعاۋشى ايىپتالۋشى جازانى ايىپپۇل رەتىندە وتەسە دەگەن تاعى ءبىر ۇسىنىس ءتۇسىردى. ونىڭ مولشەرى 120 ملن تەڭگە.
سۋديانىڭ قانداي ۇكىم شىعاراتىنى كەلەسى وتىرىستا بەلگىلى بولادى.
بۇدان بولەك دەلدالدىق قىزمەت اتقارعان تاعى ەكى ادامعا قاتىستى قىلمىستىق ءىس قوزعالىپ وتىر.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
