«جاندىكتەر» اتتى 50 بەتكە تاياۋ كىتاپشادا جاندىكتەر الەمى تۋرالى قىسقا ماعلۇماتتاردى ءتۇرلى-ءتۇستى ادەمى سۋرەتتەرمەن بەرگەن. ايتالىق, كوبەلەكتىڭ ورىسشا, قازاقشا, اعىلشىنشا اتاۋى قاتار تۇر. ال «كوكونىستەر» كىتاپشاسىندا ونىڭ سان الۋان تۇرلەرى بارىن ايتا وتىرىپ, بالالار كۇندە كورىپ جۇرگەن اسقاباق, قاربىز, قاۋىن, قيار, تاعى باسقا كوكونىستەردەن قىسقا دا نۇسقا مالىمەت بەرەدى. «قۇستار» جيناعىندا بۇركىت, قارشىعا, تۇيعىن تۋرالى, «بالىقتار», «جانۋارلار» «اعاشتار» تاقىرىبىنداعى كىتاپشالاردا ءارتۇرلى دەرەكتەردى سۋرەتپەن ۇشتاستىرعان. سول سەكىلدى, بالالاردىڭ ءبىر-بىرىنە دەگەن تۋىستىعى دا «تۋىستار» اتتى كىتاپشادا ادەمى كورىنىس تاپقان. اتا, اجە, انا, اپا, اعا, اپكە, جەزدە, وزگە دە اتاۋلارعا جان-جاقتى تۇسىنىكتەمە بەرەدى. مۇنىڭ ءبارىن بالالاردىڭ وزدەرى باياندايدى. كىتاپشالاردى جارىققا شىعارۋعا عالىمدار, جۋرناليستەر اتسالىسىپتى.
قازىر ءۇش تىلدىلىك تۋرالى كوپ ايتىلادى. سول ماسەلەنى وسىنداي ۇعىنىقتى تىلمەن جازىلعان ەڭبەكتەر ارقىلى جەتكىزسەك دەگەن نيەت قۇپتاۋعا تۇرادى. ەڭ باستىسى, بالالاردىڭ قورشاعان ورتانى تانىپ بىلۋىنە, ءتىل ۇشتاۋىنا, كىتاپشالارداعى دەرەكتەردى كۇندەلىكتى ساباعىنا قولدانۋىنا بولادى. الداعى ۋاقىتتا بۇل يگى ءىس جالعاسىن تاۋىپ, ۇلتتىق قۇندىلىقتارىمىز وسىنداي ۇلگىمەن ۇل-قىزدىڭ قولىنا جەتىپ جاتسا, نۇر ۇستىنە نۇر بولارى حاق.
سۇلەيمەن مامەت,
«ەگەمەن قازاقستان»
