ديرەكتوردىڭ سوزىنشە, تەڭگە باعامىنىڭ قازىرگى ديناميكاسى اقش-تىڭ رەسەيگە قاتىستى قوسىمشا سانكتسيالارىنىڭ نەگاتيۆتى اسەرىن كۇتۋمەن, جاعدايدىڭ ءارى قاراي ءوربۋىنىڭ بەلگىسىزدىگىمەن جانە رەسەيلىك ءرۋبلدىڭ قازىرگى جاعدايىمەن تىعىز بايلانىستى.
«باق-تا جاريالانعان سپەكۋلياتيۆتى پىكىرلەر اقش دوللارىنا دەگەن سۇرانىستى ودان ءارى ۇلعايتىپ جىبەردى. سالدارىنان ىشكى ۆاليۋتا نارىعىندا سوڭعى كۇندەرى تەڭگەنىڭ دوللارعا شاققانداعى باعامى قۇبىلىپ تۇر. مۇناي باعالارىنان بولەك, باعامنىڭ قالىپتاسۋىنا ساۋدا بويىنشا سەرىكتەس مەملەكەتتەردىڭ ۆاليۋتا كۋرسى, تولەمدىك تەڭگەرىم جاعدايى, ينفلياتسيا دەڭگەيى, قر ۇلتتىق بانكىنىڭ بازالىق مولشەرلەمە, الەمدىك پروتسەنتتىك مولشەرلەمەلەر سىندى نەگىزگى فاكتورلاردىڭ جيىنتىعى دا اسەر ەتەدى. بىراق, نارىق قاتىسۋشىلارى بولجامدارىنىڭ كۇرت وزگەرۋى سەكىلدى بىرنەشە فاكتورلار دا تەڭگە باعامى مەن قۇبىلمالىلىقتىڭ ارتۋىنا ىقپالىن تيگىزۋى مۇمكىن», - دەدى ءاليا مولدابەكوۆا.
ۇلتتىق بانك ايىرباس باعامىن شەكتەمەيدى جانە تەڭگەنىڭ ايىرباس باعامىنىڭ ەركىن اينالىم رەجيمىن ۇستانادى دەگەن ول, باعام ديناميكاسىن بىلاي دەپ ءتۇسىندىردى:
«ايىرباس كۋرسىنىڭ قالىپتاسۋى نارىق جاعدايىندا ەكىنشى دەڭگەيلى بانكتەردىڭ قاتىسۋىمەن, ۆاليۋتا نارىعىنداعى سۇرانىس پەن ۇسىنىس نەگىزىندە جۇزەگە اسادى. قازىرگى باعام ديناميكاسىن سپەكۋلياتيۆتىك فاكتولارمەن تۇسىندىرۋگە بولادى جانە ۇلتتىق بانك حالىقتان شەتەلدىك ۆاليۋتانى ساتىپ الۋدى ءجون دەپ سانامايدى».
