وبلىستىق جولاۋشىلار كولىگى جانە اۆتوموبيل جولدارى باسقارماسى ماماندارىنىڭ مالىمەتىنشە, اتالعان نىساندار تولىعىمەن پايدالانۋعا بەرىلگەندە بۇل جاعداي, وڭىردەگى جوندەۋدى قاجەت ەتەتىن كوپىرلەر سانىنىڭ 101-گە دەيىن ازايۋىنا مۇمكىندىك بەرەدى.
سونىمەن بىرگە, جوندەۋدى قاجەت ەتەتىن كوپىرلەردى جويۋ ماقساتىندا وسى جىلى 26 كوپىرگە, ياعني, 11 وتكەلگە كۇردەلى جوندەۋ, 15 كوپىرگە ورتاشا جوندەۋ جۇمىستارىن جۇرگىزۋ ءۇشىن جوبالاۋ-سمەتالىق قۇجاتتامالار ازىرلەنۋ ۇستىندە. جىل قورىتىندىسىمەن اتالعان 26 جوباعا ءتيىستى ساراپتاما قورىتىندىسى الىنۋى كۇتىلۋدە. وسىعان سايكەس, 26 جوباعا قۇرىلىستى جۇرگىزۋ ءۇشىن جەرگىلىكتى بيۋدجەتتەن قارجى قارالعان جاعدايدا, اتالعان نىساندارعا كەلەسى 2018 جىلى قۇرىلىس-جوندەۋ جۇمىستارى جۇرگىزىلىپ, پايدالانۋعا بەرىلەتىن بولادى.
ايتا كەتۋ قاجەت, وبلىستىق ماڭىزى بار اۆتوموبيل جولدارىندا جالپى 409 دانا كوپىر بار. اتالعان نىسانداردىڭ 290 داناسى قاناعاتتانارلىق جاعدايدا بولسا, قالعان 119 داناسى جوندەۋدى قاجەت ەتەتىن كوپىرلەر بولىپ تابىلادى.
