ورال قالاسى جولاۋشىلار كولىگى جانە اۆتوموبيل جولدارى ءبولىمىنىڭ باسشىسى قايرات مۇحامبەتقاليەۆتىڭ سوزىنە قاراعاندا, بيىلعى ءبىرىنشى جارتىجىلدىقتا ءتورت كوشەدەگى جول جوندەۋ جۇمىسى اياقتالسا, تاعى ەكەۋىندە بىتكەلى تۇر. 48 كوشەدە جوندەۋ جۇمىستارى اتقارىلۋدا. ال 13 كوشەنىڭ جولىنا قاتىستى تەندەرلىك راسىمدەر جۇرگىزىلۋدە. «قپو ب.ۆ.» كومپانياسىنىڭ قارجىسىنا (2,3 ملرد استام تەڭگە) دەپو كوپىرى قايتا سالىنىپ جاتقانى بەلگىلى.
قۇرىلىسى ەكى جىلعا ەسەپتەلگەن نىساندا (باس مەردىگەرى - «كا-ستروي لتد» جشس) 59 ۇڭعىمانىڭ 56-سى قازىلىپ, بەتون قۇيىلدى. 130 تىرەۋ تولىقتاي اكەلىنىپ, قاڭقالاردى ورناتۋ جۇمىسى باستالدى. سول سەكىلدى 712,1 ملن استام تەڭگەگە جاڭگىر حان كوشەسى بويىمەن ءازىربايجان كوشەسىنەن ورال قالاسى شەكاراسىنا دەيىن ۇزىندىعى 4550 مەتر (باس مەردىگەرى «كاەس ستروي كو» جشس) جولدى ورتاشا جوندەۋ جۇمىستارى اتقارىلماق. قۇرمانعازى كوشەسى بويىمەن ءا.مولداعۇلوۆا كوشەسىنەن ە.پۋگاچەۆ كوشەسىنە دەيىنگى ارالىقتى (3845 مەتر, باس مەردىگەرى - «اسارسترويسەرۆيس» جشس) كۇردەلى جوندەۋگە 889,3 ملن استام تەڭگە قاراستىرىلعان. اتالمىش كومپانيا ەسەبىنەن جوندەۋ جۇمىستارى بارلىعى 20 نىساندى (كوشەنى) قامتيتىن بولادى. وسىنداي جول جوندەۋ جۇمىستارى بيۋدجەت ەسەبىنەن دە اتقارىلۋدا. سونىڭ ىشىندە «جۇلدىز» شاعىناۋدانىندا «بىرلىك» جشس 498 ملن جۋىق تەڭگەگە 7 كم استام جول سالۋدا. كۇردەلى جوندەلىپ جاتقان وزگە دە كوشەلەر بارشىلىق. سونىمەن قاتار جولداردى اعىمداعى جوندەۋگە 400 ملن تەڭگە قارالدى. بۇعان 80 كوشەدە ويىقتاردى جوندەۋ, جول تەگىستەۋ, تروتۋارلاردى سالۋ جۇمىستارى جاسالماق.
ايتا كەتەيىك, ورال قالاسىنداعى جولداردىڭ جالپى ۇزىندىعى 582,3 كم بولسا, سونىڭ 288,43 شاقىرىمىنا نەمەسە 49,5 پايىزىنا عانا اسفالت توسەلگەن. وسى قاتقىل تاباندى جولدىڭ تەڭ جارتىسىنان استامى سىن كوتەرمەيتىندىكتەن, قايتا جوندەۋدى قاجەت ەتەدى.
