تاراپتار اڭگىمە بارىسىندا ەكى ەلدىڭ ساياسي, ەكونوميكالىق جانە مادەني-گۋمانيتارلىق ىنتىماقتاستىعىنا قاتىستى اۋقىمدى ماسەلەلەردى تالقىلادى. سەنات توراعاسى ورىنباسارىنىڭ ايتۋىنشا, قازاقستان ۇلتتىق مۇددەلەردى حالىقارالىق ارەنادا ىلگەرىلەتۋدە بۋحارەستى سەنىمدى ارىپتەس رەتىندە تانيدى جانە ولاردىڭ ورتالىق ازيا ايماعىنا قاتىستى باستامالارىن قولداۋعا ءازىر. س.گروموۆ قازاقستان ارىپتەستىكتى ناتيجەلى ىسكە اسىرۋعا جانە ورتاق كۇن تارتىبىندەگى بارلىق ماسەلەلەر بويىنشا ەكىجاقتى قاتىناستاردى تەرەڭدەتۋگە قاتىستى جۇمىستاردى ۇدەتۋگە ءازىر ەكەنىن اتاپ ءوتتى.
كەزدەسۋ كەزىندە قازاقستان مەن رۋمىنيانىڭ ىنتىماقتاستىعىن نىعايتۋدا ماڭىزدى ءرول اتقاراتىن پارلامەنتارالىق بايلانىستاردى ودان ءارى دامىتۋ جانە تەرەڭدەتۋ قاجەتتىگى جونىندە ورتاق پىكىر ايتىلدى.
سەنات توراعاسىنىڭ ورىنباسارى ەكسپو-2017 حالىقارالىق كورمەسىنە قاتىسقانى جانە بۇۇ قاۋىپسىزدىك كەڭەسىنە تۇراقتى ەمەس مۇشەسى بولۋدا قازاقستاندى قولداعانى ءۇشىن رۋمىن جاعىنا العىس ايتتى.
كەزدەسۋدىڭ قورىتىندى بولىگىندە جۇزدەسۋشىلەر حالىقارالىق تەرروريزممەن, ءدىني ەكسترەميزممەن, ەسىرتكى ساۋداسىمەن جانە قازىرگى زامانداعى باسقا دا قاۋىپ-قاتەرلەرمەن كۇرەستە اۋقىمدى حالىقارالىق شارالاردا بىرلەسكەن كۇش-جىگەردىڭ ماڭىزدىلىعىن اتاپ ءوتتى.
