باتىس قازاقستان وبلىسىنىڭ اكىمدىگىندە وتكەن كەڭەستە اوك دامىتۋدىڭ مەملەكەتتىك باعدارلاماسىن جۇزەگە اسىرۋ بارىسى, ونداعى مىندەتتەمەلەردى ورىنداۋ بويىنشا بەكىتىلگەن ينديكاتورلار مەن شارالار جەتىستىگى تالقىلاندى.
مەملەكەتتىك باعدارلاما اياسىندا بيىلعى جىلى سۋبسيديانىڭ 65 ءتۇرى قاراستىرىلىپ, سونىڭ ناتيجەسىندە 11 ءتيىمسىز سۋبسيديانى الىپ تاستاپ, 40 سۋبسيديانىڭ ولشەمدەرى وزگەرتىلدى. ال قالعان 14-ءى ەش وزگەرىسسىز قالدى.
مال شارۋاشىلىعىندا ولشەمدەردى وزگەرتۋ ءدال سول قارجى شەڭبەرىندە سۋبسيديا الۋشىلاردىڭ سانىن ءبىر ەسەگە ارتتىردى. ەگەر باستاپقىدا سيىر ەتى بويىنشا سۋبسيديانى 175 شارۋاشىلىق السا, قازىر ول 522-گە نەمەسە 100%-عا ارتتى; ءسۇت بويىنشا 2 ەسەگە; قوي ەتى بويىنشا 1,3 ەسە, ءجۇن بويىنشا 3,6 ەسە ارتتى. سونداي-اق, قوي ەتىن سۋبسيديالاۋ ودان گورى تيىمدىرەك قوزى ەتىمەن الماستىرىلدى.
2017 جىلدىڭ 1 شىلدەسىندەگى جاعداي بويىنشا باتىس قازاقستان, اقتوبە وبلىستارىندا ءىرى قارا مالدىڭ, ۇساق قارا مالدىڭ, جىلقىلاردىڭ, قۇستاردىڭ سانىنىڭ كوبەيۋ ءۇردىسى بايقالدى.
قازىرگى تاڭدا رەسپۋبليكادا 1345 قايتا وڭدەۋ كاسىپورىنى بەلسەندى جۇمىس جاساپ جاتىر. ءسۇت, ەت, تەرى, ءجۇن, ماي جانە داقىل ونىمدەرىن, تۇقىمدار مەن كوكونىستەر, قانت قىزىلشاسىن جانە كارتوپتى قايتا وڭدەيتىن 435 كاسىپورىننىڭ ىشىندە ونىمدەردى ۇقساتۋدىڭ 9 باسىم ءتۇرى انىقتالدى. سولار بويىنشا ءار وبلىس, ءار اۋدان بويىنشا اگرارلىق قايتا وڭدەۋ كاسىپورىندارىنىڭ ناقتى ورنالاسۋ كارتاسى جاسالدى.
كەڭەس بارىسىندا پرەمەر-ءمينيستردىڭ ورىنباسارى – اۋىل شارۋاشىلىعى ءمينيسترى فەرمەرلەردىڭ بارلىق قىزىعۋشىلىق تانىتقان سۇراقتارىنا جاۋاپ بەردى.
سونداي-اق, جۇمىس ساپارى كەزىندە ا.مىرزاحمەتوۆ جاڭگىر حان اتىنداعى باتىس قازاقستان اگرارلىق-تەحنيكالىق ۋنيۆەرسيتەتىنە, «پوش رۋنو» جشس تەرى وڭدەۋ كاسىپورنىنا باردى.
* * *
ۆيتسە-پرەمەر جۇمىس باعدارلاماسىنا سايكەس ماڭعىستاۋ وبلىسىنداعى تۇپقاراعان اۋدانىنىڭ اقشۇقىر اۋىلىنداعى «كازاح وسەتر» جشس-نا باردى. اتالعان سەرىكتەستىك وڭىردەگى بىردەن-ءبىر بەكىرە ەتىن شىعاراتىن بەكىرە فەرماسى بولىپ تابىلادى.
مۇنان سوڭ وبلىستىق اكىمدىكتە اوك-ءتى دامىتۋدىڭ مەملەكەتتىك باعدارلاماسىن ىسكە اسىرۋعا ارنالعان وتىرىس بولىپ ءوتتى جانە دە وندا مال شارۋاشىلىعى, مال شارۋاشىلىعى ونىمدەرىن قايتا وڭدەۋ, ۆەتەرينارلىق قاۋىپسىزدىك پەن بالىق شارۋاشىلىعى ماسەلەلەرى قارالدى.
وتىرىسقا ماڭعىستاۋ جانە اتىراۋ وبلىستارىنىڭ تۇرعىندارى, شارۋالار مەن سالالىق قوعامداستىقتاردىڭ وكىلدەرى قاتىستى.
وسىناۋ ەكى وبلىستىڭ كاسپي ماڭىنداعى گەوگرافيالىق تۇرعىدا قاناتتاسا ورنالاسۋىن ەسكەرە وتىرىپ, ءبىرىنشى كەزەكتە بالىق شارۋاشىلىعىنا باسا ءمان بەرىلدى. ول جەردە اعىمداعى جاعدايعا بايلانىستى بۇعان دەيىن ءداستۇرلى تۇردە وندىرىستىك اۋلاۋعا نەگىزدەلىپ كەلگەن بالىق شارۋاشىلىعى سالاسىنىڭ كوپ جىلدىق ستراتەگياسىن تۇبەگەيلى وزگەرتۋ كەرەكتىگى اتاپ ءوتىلدى.
بۇدان ءارى دە مال شارۋاشىلىعى مەن اۋىلشارۋاشىلىق كووپەراتسيالارى ماسەلەلەرى تالقىعا ءتۇستى. بۇگىندە ەل اۋماعىندا 517 اۋىلشارۋاشىلىق كووپەراتسياسى بار بولسا, ولاردىڭ 15-ءى اتىراۋ وبلىسىندا تىركەۋلى.
بيىل شىلدەدە بىلتىرعى جىلدىڭ وسى كەزەڭىمەن سالىستىرعاندا ماڭعىستاۋ جانە اتىراۋ وبلىستارىندا ءىرى قارا مال مەن ۇساق قارا مال باسىنىڭ, جىلقى, تۇيە, قۇس سانىنىڭ ءوسۋ تەندەنتسياسى بايقالۋدا.
وتىرىس بارىسىندا ا.مىرزاحمەتوۆ سۇراق-جاۋاپ فورماتىندا قاتىسۋشىلاردىڭ ساۋالدارىنا جاۋاپ بەردى.
جۇمىس ساپارىن قورىتىندىلاي كەلە, ۆەدومستۆو باسشىسى «اقبيداي» استىق تەرمينالى مەن اقتاۋ تەڭىز تەرمينالىندا بولدى.
