اكىمدىكتىڭ مالىمەتى بويىنشا تسەلينوگراد اۋدانىنىڭ قابانباي باتىر اۋىلىنداعى كۇن ەنەرگياسىنان قۋات الاتىن ستانسانىڭ قۇرىلىس جۇمىستارىن ينۆەستور ءارى تاپسىرىس بەرۋشى «KBEnterprises» كومپانياسى قولعا الىپ وتىر. قازىرگى كەزدە كومپانيا قۋاتى 100 مۆت كۇن ەلەكتر ستانساسى قۇرىلىسىنىڭ جوبالىق-سمەتالىق قۇجاتتاماسىن ازىرلەپ, جوبانى جۇزەگە اسىرۋدىڭ نەگىزگى كەزەڭىنە كىرىسۋدە.
جوبانىڭ قۇنى 165 ميلليون ەۋرونى قۇرايدى. قۇرىلىس الاڭى 300 گەكتار. ينجەنەرلىك مەردىگەر ۇيىم رەتىندە SUMECCLEANENERGYINTERNATIONALCO.LTD حالىقارالىق حولدينگى تانىلعان. قۇرىلىس جۇمىستارى اۆۆ ەۋروپالىق كونتسەرنىمەن بىرلەسىپ جۇرگىزىلمەك.
«قوعام ءۇشىن جوعارى تەحنولوگيالىق, ەكولوگيالىق جاعىنان تازا ءارى ءتيىمدى جوبانىڭ جۇزەگە اسىرىلۋى قازاقستاننىڭ الەم قاۋىمداستىعى الدىندا ابىرويىن اسقاقتاتپاق. جوبانىڭ «KBEnterprises» كومپانياسى تارتقان بارلىق قاتىسۋشىلارى - حالىقارالىق دەڭگەيدەگى ساراپشىلار», دەلىنگەن اكىمدىك تاراتقان حابارلامادا.
