27 شىلدە ەلوردا اكىمدىگىندە قالا ماڭىنداعى ەلدىمەكەندەرگە قاتىنايتىن اۆتوبۋستاردا جولاقىنى ەلەكتروندى تولەۋ جۇيەسىن ەنگىزۋدىڭ IV كەزەڭى مەن استانانىڭ قوعامدىق كولىگى قوزعالىس سىزباسىنىڭ وزگەرتىلۋى جونىندە ايتىلدى.
«Astra كولىكتىك كارتاسى - قالا ماڭىنداعى جولاۋشىلارعا كەلگەن سوڭ 60 مينۋت ىشىندە قالالىق اۆتوبۋسقا وتىرۋعا مۇمكىندىك بەرەدى. تەگىن ءجۇرۋدى پايدالانۋ ءۇشىن قالا ماڭى اۆتوبۋسىنان شىعاردا جولاۋشى كارتانى تاعى ءبىر رەت ۆاليداتورعا سوعۋ كەرەك. سونىمەن قاتار Astra كارتاسىنا ون رەت جول ءجۇرۋدى جۇكتەگەندە جولاۋشى ءۇشىن 11-ءشى ءجۇرۋ تەگىن. بۇعان قوسا باسقا دا جولاقىنى تولەۋ ادىستەرى ساقتالادى: قولما-قول تولەۋ جانە ءبىر ايلىق جولاقى بيلەتى»,- دەپ مالىمدەدى استانا قالاسىنىڭ جولاۋشىلار كولىگى باسقارماسى باسشىسى بەكمىرزا يگەنبەردينوۆ.
قالا ماڭى اۆتوبۋستارىنداعى جولاقى قۇنى كولىكتىك اۋماققا بايلانىستى:
1 كولىكتىك اۋماق - 90 تەڭگە;
2 كولىكتىك اۋماق - 200 تەڭگە;
3 كولىكتىك اۋماق - 300 تەڭگە;
4 كولىكتىك اۋماق - 400 تەڭگە.
قالالىق قوعامدىق كولىكتە جولاقى قۇنى - 90 تەڭگە; ەكسپرەسس تاسىمالداۋ - 150 تەڭگە.
«استانا LRT» تولەم جۇيەسى ورتالىعى باسشىسى سەرگەي پوپوۆتىڭ سوزىنشە, Astra كارتاسىن ساتۋ بيىل بۇعان دەيىنگى جىلدارداعىدان اسىپ ءتۇستى.
«قازىر ادامدار ولار ءۇشىن بۇل جۇيە قانشالىقتى ءتيىمدى ءارى قولايلى ەكەنىن ءتۇسىنۋ كەرەك. جالپى, بىزدە ديناميكا جاقسى: ءيا, قازىر بىزدە قاعاز بيلەتتەر كوپ ساتىلادى. بىراق ءبىز كارتانى ساتۋ شەگىن وتكەن جىلدارداعىدان اسىردىق. جولاۋشىلار كارتانى ساتىپ الىپ, تولتىرۋدى جالعاستىرۋدا»,- دەدى ول.
بۇدان بولەك, پوپوۆتىڭ پىكىرىنشە, قاعاز بيلەتتەرى مەن كوندۋكتورلاردى الىپ تاستاۋ تۋرالى ايتۋ ءالى دە ارتىق.
«قازىر كارتا تولەم جۇرگىزۋدىڭ باسقا تاسىلدەرىن الماستىرادى دەپ ايتۋعا بولمايدى. قاراپايىم عانا مىسال, ءتىپتى قولما-قول اقشا الۋدى توقتاتۋ تۋرالى تاجىريبە دە جوق. قالادا تۇراتىن ادامدار ۇزاق قولدانۋعا ارنالعان كارتالارعا كوشۋدە. ەگەر كىم كوپ اۆتوبۋسپەن قاتىنامايدى, ولار اقشاعا ءبىر رەتتىك بيلەت الادى. ال, كوندۋكتورلاردىڭ قاجەتتىلىگى - كەشەندى تۇردە شەشىلەدى. ولاردىڭ قاجەت بولماۋى بەلگىلى بولعاندا عانا, بۇل سۇراق انىقتالادى», - دەدى ول.
جولاۋشىلار كولىگى باسقارماسى باسشىسى بەكمىرزا يگەنبەردينوۆتىڭ سوزىنشە, ەلوردانىڭ قالا ماڭىنداعى تۇرعىندار ءۇشىن قوعامدىق كولىك ءتيىمدى.
«قوعامدىق كولىك قىزمەتىن پايدالانۋ ارقىلى ادامدار كۇندەلىكتى قانشا قارجى ۇنەمدەيتىندەرىن تۇسىنەدى. وسىنى سەزىنگەندە اۆتوبۋستارمەن جۇرە باستايدى. كۇندەلىكتى قالادا قوسشى, جىبەك جولىنا قاراي كولىك كەپتەلىسى بولادى. بەنزين مەن ۋاقىت جوعالتادى. قالا ماڭىنداعى جولاۋشىلار سانى كوبەيسە, بىزدە كەز كەلگەن ۋاقىتتا باعىتتى كۇشەيتەتىن, سىيىمدىلىعى جوعارى الماستىراتىن اۆتوبۋستار دايىن بولادى, - دەيدى ول.
