بۇگىن ورتالىق كوممۋنيكاتسيالار قىزمەتىندە «SarapTime» ساراپشىلار كلۋبى «قازاقستانداعى 100 جاڭا ەسىم - جەتىستىكتەر تاريحى» تاقىرىبىندا پىكىرتالاستىق وتىرىس وتكىزدى. ءىس-شاراعا «قازكونتەنت» اق باسقارما توراعاسى ەۆگەني كوچەتوۆ, «بيۋرو 100» باستاماشىل توبىنىڭ مۇشەسى ماحاببات ەسەن, «قوعامدىق كەلىسىم» رمم ءباسپاسوز قىزمەتىنىڭ باسشىسى قىمبات دوسجان, قازاقستان كۆن وداعىنىڭ توراعاسى ەسەن ەلەۋكەن, سونداي-اق, ساراپشىلار مەن جۋرناليستىك قاۋىمداستىقتار, ۇكىمەتتىك ەمەس ۇيىمدار, عالىمدار, قوعامدىق پىكىر مەن ازاماتتىق قوعام كوشباسشىلارى, تانىمال بلوگەرلەر قاتىستى.
اقپارات جانە كوممۋنيكاتسيالار مينيسترلىگى وكق ديرەكتورى ارتۋر نىعمەتوۆتىڭ وتىرىستى اشا وتىرىپ, «قازاقستانداعى 100 جاڭا ەسىم» جوباسى تاۋەلسىزدىك جىلدارىندا جەتىستىككە جەتكەن ءارتۇرلى وڭىرلەردەگى, ءتۇرلى جاستاعى جانە ۇلتى ءارتۇرلى 100 ناقتى ادامنىڭ تاريحى ەكەنىن اتاپ ءوتتى. سونداي-اق, ول 100esim.el.kz سايتىنىڭ ىسكە قوسىلعاندىعىن حابارلادى. ەندى تىلەك بىلدىرۋشىلەردىڭ ارقايسىسى جوباعا ەنگىزۋگە قاراۋ ءۇشىن ءوزى نەمەسە ءوزىنىڭ تانىستارى تۋرالى اقپاراتتى جولداۋىنا بولادى. «قازاقستانداعى 100 جاڭا ەسىم» جوباسىنا بۇگىنگى تاڭدا ءارتۇرلى جاستاعى ءتۇرلى ماماندىق يەلەرىنەن 1000-نان استام ۇسىنىس ءتۇسىپ قويعان.
ال ەۆگەني كوچەتوۆ جينالعاندارعا وتىنىمدەردى بەرۋ ءتارتىبىن ءتۇسىندىردى. ونىڭ ايتۋىنشا, جوباعا ەنگەن ادام اينالاسىنداعىلاردى رۋحتاندىرا ءبىلۋى كەرەك. ءوتىنىمدى ىرىكتەۋدىڭ نەگىزگى ولشەمدەرى - تاۋەلسىز قازاقستاننىڭ دامۋىنا تۇلعانىڭ ناقتى قوسقان ۇلەسى بولىپ تابىلادى.
«100 جاڭا ەسىم» جوباسى ارقىلى ءوزىمىز تانىمايتىن ادامداردى ءبىلىپ جاتىرمىز. جالعىز قازاقستاننان ەمەس شەتەلدەن دە وتىنىشتەر كەلىپ ءتۇسىپ جاتىر. ماسەلەن, جاقىندا بەرليندەگى قازاقتاردان ۇسىنىس كەلىپ ءتۇستى. كوپشىلىك ماڭىزدى جوباعا نازارىن بۇرسا دەگەن تىلەك بىلدىرگىمىز كەلەدى», - دەيدى ەۆگەني كوچەتوۆ.
