«نەگىزى, كۇلكىلى فوتولارعا كەيدجدىڭ ەموتسياسى سەبەپ بولعان. ال شاپان جابۋدىڭ ءوزى حالقىمىزدىڭ تاماشا ءبىر ءداستۇرى بولىپ سانالادى. ەندى, نيكولاس كەيدجدىڭ ارقاسىندا وسى ءداستۇرىمىز كەڭىنەن تانىلدى. مەن ءوزىم وعان ريزا بولدىم. ەندى, ءوزىم دە بىزگە, اقپارات جانە كوممۋنيكاتسيالار مينيسترلىگىنە شەت ەلدەن كەلگەن ءاربىر قوناققا تەك شاپان عانا جاباتىن بولامىن», - دەپ اتاپ كورسەتتى داۋرەن اسكەربەك ۇلى.
ايتا كەتەيىك, جاقىندا استاناعا كەلىپ كەتكەن گولليۆۋد جۇلدىزى نيكولاس كەيدجگە قازاقستان حالىق ءارتىسى ايمان مۇساقوجاەۆا شاپان جاپقان بولاتىن. ونىڭ ءدال وسى شاپانمەن تۇسكەن فوتوسى كەڭىنەن تاراپ, كۇلكىلى كوللاجدارعا تۇرتكى بولدى. بارلىعى ونىڭ شاپانىن ەمەس, بەتىندەگى ەموتسياسىن كەلەمەجگە اينالدىردى. ەكى كۇننىڭ ىشىندە گولليۆۋد جۇلدىزىنىڭ مەمگە اينالعان فوتولارىن رەسەي مەن ۋكراينانىڭ بۇقارالىق اقپارات قۇرالدارى دا جاريالادى.ءتىپتى, اقش-تىڭ باسىلىمدارى دا باسىپ شىعاردى.
