بۇل – ستۋدەنتتەردىڭ كاسىبي تۇرعىدا ءبىر ەمەس ءبىر-بىرىنە جاقىن بىرنەشە ماماندىقتى مەڭگەرۋىنە جاعداي جاساۋ دەگەن ءسوز, دەپ حابارلايدى 24.kz.
وسى ماقساتتا 10 جوعارعى جانە 10 كاسىبي-تەحنيكالىق ءبىلىم بەرۋ مەكەمەسى ىرىكتەلىپ الىنعان. تىزىمدە اقتوبە پوليتەحنيكالىق كوللەدجى دە بار. جارتى عاسىرلىق تاريحى بار ءبىلىم وشاعىنىڭ ماتەريالدىق-تەحنيكالىق بازاسى مىعىم بىلىكتى پەدوگوگتارى جەتەرلىك. وندا بيىلعى وقۋ جىلىنان باستاپ «ۇلت جوسپارىنىڭ 77-ءشى قادامىندا» كورسەتىلگەن جۇيەنى ىسكە اسىرۋ بويىنشا كەي ماماندىقتار جاڭا ادىستەمە بويىنشا وقىتىلا باستايدى. بۇل – جاس ماماننىڭ جۇمىس تابۋ مۇمكىندىگى بىرنەشە ەسەگە ارتادى دەگەن ءسوز. قازىرگى تاڭدا وقۋ ورداسىن تامامداعان تۇلەكتەردىڭ 94 پايىزى جۇمىسپەن قامتاماسىز ەتىلەدى. تاعى ءبىر ايتا كەتەتىن جايت, ەلباسى تاپسىرماسىنا سايكەس كاسىپتىك ءبىلىم تەگىن بەرىلەدى.
ميرا ەسەتوۆا, وقىتۋشى:
– مودۋلدىك تاسىلدەمە بويىنشا ازىرلەنەتىن ءبىزدىڭ تۇلەگىمىز ءبىرىنشى مودۋلدە ءبىر بىلىكتىلىك, ەكىنشى مودۋلدە ەكىنشى بىلىكتىلىك, ءۇشىنشى مودۋلدە ول ورتا بۋىن مامانى بولادى. دەمەك, ول ەڭ كەمىندە ەكى جۇمىسشى مامانىن الىپ شىعادى.
ساۋلە ومىربەكوۆا, وبلىستىق ءبىلىم بەرۋ باسقارماسىنىڭ باسشىسى:
– بيۋدجەتتەن بيىل 250 ملن تەڭگە قاراجات ءبولىندى. باعدارلامانى جۇزەگە اسىرۋ ءۇشىن 3 كوللەدجدىڭ جانىندا جاتاقحانا اشىلايىن دەپ جاتىر. ونىڭ ەكەۋى اۋداندىق جانە بىرەۋى اقتوبە قالاسىنىڭ كوللەدجىنىڭ جانىندا بولادى.
