بىرنەشە كۇن بويى حابارسىز كەتكەن ءبىرى 63, ەكىنشىسى 59 جاستاعى ەرلى-زايىپتىلاردىڭ ءولى دەنەلەرى يەسىز قالعان ساياجايلاردىڭ بىرىنەن تابىلدى.
«جەدەل ىزدەستىرۋ شارالارى ارقاسىندا 1962 جىلى تۋعان پەتروپاۆلدىق تۇرعىن كۇدىكتى رەتىندە ۇستالدى. بۇرىن قىلمىستىق جاۋاپكەرشىلىككە
تارتىلماعان ول كىناسىن تولىق مويىنداپ وتىر», دەيدى پەتروپاۆل ءىىب باستىعىنىڭ ءبىرىنشى ورىنباسارى اسان مەيراموۆ.
ولاردىڭ اراسىنداعى كوپتەن بەرى سوزىلىپ كەلە جاتقان ءوزارا كەلىسپەۋشىلىك وسىلايشا قاندى وقيعامەن اياقتالدى. قىلمىسكەر كورشىلەرىن
ساياجايعا الداپ شاقىرىپ, ەكەۋىن دە جايراتىپ سالعان.
اتالعان فاكت بويىنشا قىلمىستىق كودەكستىڭ 99-شى بابىمەن تەرگەۋ امالدارى جۇرگىزىلۋدە. 15 جىلدان 20 جىلعا دەيىن باس بوستاندىعىنان
ايرىلۋى مۇمكىن.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
