2011 جىلعى 27 تامىز, استانا, ۇكىمەت ءۇيى
«قازاقستان رەسپۋبليكاسىنىڭ دەنساۋلىق ساقتاۋ ۇيىمدارى جەلىسىنىڭ مەملەكەتتىك ءنورماتيۆىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2131 قاۋلىسىنا وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «قازاقستان رەسپۋبليكاسىنىڭ دەنساۋلىق ساقتاۋ ۇيىمدارى جەلىسىنىڭ مەملەكەتتىك ءنورماتيۆىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2009 جىلعى 15 جەلتوقسانداعى № 2131 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., №59, 525-قۇجات) مىناداي وزگەرىس ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ دەنساۋلىق ساقتاۋ ۇيىمدارى جەلىسىنىڭ مەملەكەتتىك نورماتيۆىندە:
8-تارماقتىڭ 2) تارماقشاسى مىناداي رەداكتسيادا جازىلسىن:
«2) پاتولوگيالىق-اناتوميالىق بيۋرو دەربەس زاڭدى تۇلعا رەتىندە نەمەسە ورتالىقتاندىرىلعان پاتولوگيالىق-اناتوميالىق بولىمشە رەتىندە وبلىستىق دەڭگەيدە, رەسپۋبليكالىق ماڭىزى بار قالادا, استانادا جانە حالقىنىڭ سانى 300000-نان ء(ۇش ءجۇز مىڭ) استام ادام بولاتىن قالالاردا ستاتسيونارلىق كومەك كورسەتەتىن ۇيىمنىڭ قۇرىلىمدىق بولىمشەسى رەتىندە قۇرىلادى.
اۋداندىق دەڭگەيدە ورتالىقتاندىرىلعان پاتولوگيالىق-اناتوميالىق بولىمشە ستاتسيونارلىق كومەك كورسەتەتىن ۇيىمنىڭ قۇرىلىمدىق بولىمشەسى رەتىندە قۇرىلادى.».
2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.
