ال ۇل-قىزدارىن باس شاھارعا شىعارىپ سالۋعا كەلگەن اتا-انالار ەل مەرەيىن اسىرعان ەكسپو حالىقارالىق كورمەسىنىڭ ەل تاريحىندا ايرىقشا ماڭىزعا يە ەكەنىن ايتىپ, بۇگىنگى يگى شارانى ۇيىمداستىرۋشىلارعا العىس ءبىلدىردى. باس قالاعا باعىت العان بالالار دا اعىنان جارىلىپ, ەندى استانانى تەلەديداردان ەمەس, ءوز كوزدەرىمەن كورەتىندەرىنە قۋانىشتى ەكەندىكتەرىن جاسىرمادى.
ءبىلىم ءبولىمىنىڭ باسشىسى مۇباراك جيناقباەۆانىڭ ايتۋىنشا, وقۋشىلارمەن بىرگە استانا قالاسىنا 8 جاۋاپتى ادام بارادى ەكەن. سونداي-اق, بالالار ءۇش كۇن بويى كورمەنى تاماشالاپ, استانانىڭ اسەم دە كورىكتى جەرلەرىن ارالاپ قايتادى. ەڭ باستىسى, وقۋشىلار كورمەنى تاماشالاۋ ارقىلى جازعى دەمالىستارىن ەستە قالارلىقتاي ەتىپ وتكىزەدى.
جالپى, تاراز قالاسىندا ەكسپو كورمەسىن تاماشالاۋعا باراتىن وقۋشىلاردان ون توپ قۇرالعان. ەندى تامىز ايىنىڭ سوڭىنا دەيىن قالعان توعىز لەك استانا شاھارىنا بارىپ, كورمەنى تاماشالاپ قايتاتىن بولادى.
حاميت ەسامان,
«ەگەمەن قازاقستان»
جامبىل وبلىسى
