ەلىمىزدىڭ ۇلتتىق سپورت تۇرلەرى قاۋىمداستىعى وكىلدەرىنىڭ ايتۋىنشا, بۇگىندە وڭىرلەردە شوگەن وينايتىن شاعىن كوماندالار بار. الداعى ۋاقىتتا سولاردىڭ باسىن بىرىكتىرىپ, ات سپورتىنىڭ وسى ءتۇرىن دامىتۋ جوسپاردا تۇر. «شوگەن سپورتىنان ەلوردادا وتكەن بۇل كەزدەسۋ العاش رەت ۇيىمداستىرىلدى. ماتچقا ءار كومانداداعى 3 ويىنشىدان بارلىعى 6 سپورتشى قاتىستى. ويىن 3 بولiمنەن تۇرادى, ال ءار ءبولiمi 7 مينۋتتى قۇرايدى. ويىنعا قاتىسقان جىلقىلاردىڭ بارلىعى وزiمiزدiكi», دەيدى شوگەننەن قاراعاندى قالالىق قاۋىمداستىعى باسشىسى اسلانبەك مەشكوۆ. ماماننىڭ ايتۋىنشا, ارگەنتينادا بۇل ويىن بىرنەشە مىڭدىق ستاديوندار جينايدى. قازاقستاندا دا دامۋى ءتيىس, سەبەبi قازاقتار ەجەلدەن جىلقىنى قاستەرلەيدى. ارگەنتينالىقتار دا بۇل جانۋاردى جوعارى باعالايدى.
ەلiمiزدە ارگەنتينالىق جىلقى تۇقىمىن بۋدانداستىرۋ جوسپاردا بار كورىنەدى. ونىڭ ورتاشا باعاسى 10 مىڭ ەۋرودان باستالادى ەكەن.
«كوكپار-استانا» جىلقى سپورتى كلۋبى» جشس ديرەكتورى امانجول حاسەنوۆ قازiردiڭ وزىندە كەز كەلگەن ادام قالاسا كلۋبقا كەلiپ, شوگەننىڭ سەكتسياسىنا تەگiن قاتىسا الاتىنىن ايتتى. «وندا كوكپار وينايتىن 10 شاباندوز دايىندىق ۇستىندە. كوكپار ويناعاندار شوگەن ويىنىن تەز ۇيرەنىپ الادى. ونىڭ تەحنيكاسىن مەڭگەرۋگە ءارى كەتكەندە 2-3 اي عانا ۋاقىت قاجەت. بالالار 11-15 جاستان باستاپ ويناسا, 60-70 جاستاعى قاريالار دا سپورتتىڭ بۇل تۇرىمەن اينالىسا الادى», دەيدى ا.حاسەنوۆ.
«ويىن كەرەمەت ءوتتى, بارلىعى جوعارى دەڭگەيدە ۇيىمداستىرىلعان. مۇنداعى اتتار كوكپارعا ماشىقتانعان. بىراق ات سپورتى بولعاندىقتان, قازاقستاندىقتار شوگەندى تەز مەڭگەرىپ الادى دەپ ويلايمىن. سوندىقتان وزدەرىن الەمدىك دەڭگەيدە كورسەتۋلەرىنە مۇمكىندىكتەرى مول. ال ءبىز تاجىريبە الماسۋعا ارقاشان ءازىرمىز», دەيدى ارگەنتينالىق كوماندانىڭ ويىنشىسى فەرناندو شۆايتسەر.
ويىندى تاماشالاۋعا اقپارات جانە كوممۋنيكاتسيالار ءمينيسترى داۋرەن اباەۆ, ارگەنتينانىڭ باق جانە قوعامدىق پiكiر ءمينيسترى ەرنار لومباردي جانە باسقا دا لاۋازىمدى تۇلعالارى كەلدi.
