قازاقستان رەسپۋبليكاسىنىڭ ەنەرگەتيكا ۆيتسە-ءمينيسترى باقىتجان جاقساليەۆ اتومدىق ەنەرگيانى بەيبىت ماقساتتا قولدانۋ بويىنشا كوميسسياسىنىڭ مۇشەلەرى الدىندا ءسوز سويلەدى. وتىرىستى كوميسسيانىڭ توراعاسى, «روساتوم» اتومدىق ەنەرگيا بويىنشا مەملەكەتتىك كورپوراتسيانىڭ حالىقارالىق قىزمەت بلوگىنىڭ ديرەكتورى – باس ديرەكتوردىڭ ورىنباسارى نيكولاي سپاسسكي اشقان بولاتىن.
«ۋران شىعاراتىن وندىرىستەردىڭ ىقپالى تيگەن اۋماقتاردىڭ رەكۋلتيۆاتسياسى» مەملەكەتارالىق ماقساتتى باعدارلاماسىنىڭ جۇزەگە اسىرىلۋ بارىسى جايىندا فەدەرالدى يادرولىق جانە رادياتسيالىق قاۋىپسىزدىك ورتالىعىنىڭ باس ديرەكتورى اندرەي گولينەي باياندادى. كوميسسيا 2016 جىلى باعدارلاما اياسىندا اتقارىلعان جۇمىس تۋرالى ەسەپتى ماقۇلدادى.
قازاقستان رەسپۋبليكاسىنىڭ ەنەرگەتيكا مينيسترلىگىنىڭ اتومدىق ەنەرگەتيكا جانە ونەركاسىپ دەپارتامەنتىنىڭ ديرەكتورى باتىرجان قاراكوزوۆ قازاقستان اۋماعىنداعى قالدىققويمالار نىساندارىن باعدارلاماعا قوسۋ تۋرالى باستاماسىن العا تارتتى. بۇل ونىڭ جۇزەگە اسىرىلۋ ناتيجەسىنىڭ ەڭ ۇزدىك دالەلى.
ارنايى وتىرىس ناتيجەسىندە قازاقستان اۋماعىنداعى قالدىققويمالار نىساندارىن مەملەكەتارالىق ماقساتتى باعدارلاماعا قوسۋ تۋرالى قازاقستان رەسپۋبليكاسىنىڭ باستاماسى ماقۇلداندى. جۋىق ارادا باعدارلامانىڭ تاپسىرىس بەرۋشى-ۇيلەستىرۋشىسى – «روساتوم» مەملەكەتتىك كورپوراتسياسى قازاقستان رەسپۋبليكاسىنىڭ ەنەرگەتيكا مينيسترلىگىمەن بىرگە ۇسىنىستاردى ازىرلەۋگە كىرىسىپ, تمد اتقارۋشى كوميتەتىنىڭ تالقىلاۋىنا ارنالعان باعدارلاماعا ەنگىزىلەتىن وزگەرىستەردى دايىندايدى.
قىرعىزستاننىڭ توتەنشە جاعدايلار مينيسترلىگى جانىنداعى قالدىققويمالاردى ۇستاۋ بويىنشا اگەنتتىگىنىڭ ديرەكتورى دامير قۇشباقوۆ ماگاتە جاساپ شىعارعان «ورتالىق ازياداعى ۋران مۇراسىنىڭ رەكۋلتيۆاتسياسى» ستراتەگيالىق شەبەرلىك جوسپارىن ۇسىندى. ەۋروپالىق قايتا قۇرۋ جانە دامۋ بانكى رەكۋلتيۆاتسيالىق جۇمىستاردى جۇرگىزۋ ءۇشىن دەمەۋشىلەردىڭ قارجىسىن جيناقتايتىن ارنايى قوردى اشقان.
رەسەي ماماندارى باسقا رەسپۋبليكالارىنىڭ وكىلدەرىمەن بىرلەسىپ مەملەكەتارالىق ماقساتتى باعدارلامانىڭ 1-ءنشى كەزەڭىن جۇزەگە اسىرۋ بويىنشا جۇمىستاردى ورىنداپ, بيىل فيزيكالىق جۇمىستارعا كىرىستى.
