مۇرات دارىباەۆتىڭ باسشىلىعىمەن «الماتى» الەۋمەتتىك-كاسىپكەرلىك» ۇك» اق-ى 2016 جىلدىڭ قورىتىندىسى بويىنشا العاش رەت 3,4 ملرد تەڭگە كولەمىندە پايداعا قولجەتكىزدى. سوڭعى جىلى 423,8 ملن تەڭگە سالىق تولەندى, ال 2015 جىلى تولەنگەنى نەبارى 41,7 ملن. تەڭگە بولاتىن. اكك-ءنىڭ 2017 جىلعى العاشقى جارتىجىلدىعىنىڭ قارجى-ەكونوميكالىق قىزمەتىنىڭ الدىن الا جاسالعان قورىتىندىسى بويىنشا 611,4 ملن. تەڭگە كولەمىندە تابىس تۇسكەن, ال بۇعان ۇتىمدى باسشىلىقتىڭ ءارى شىعىنداردى وڭتايلاندىرۋدىڭ ارقاسىندا قول جەتتى.
سوڭعى 2 جىل ىشىندە اكك ەكولوگيا, جول قاۋىپسىزدىگىن قامتاماسىز ەتۋ, اباتتاندىرۋ جانە باسقا ماسەلەلەر بويىنشا ينۆەستيتسيالىق جوبالاردى جۇزەگە اسىرۋ جۇمىستارىن بەلسەندى جۇرگىزدى.
قر پرەمەر-ءمينيسترىنىڭ كەلىسىمىمەن جانە كورپوراتسيا ديرەكتورلار كەڭەسىنىڭ شەشىمىمەن «الماتى» اكك ۇك» اق-نىڭ جاڭا باسقارما توراعاسى بولىپ مۇحيت ازىرباەۆ تاعايىندالدى.
ول الماتى قالاسىندا تۋىلعان, ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن, ماماندىعى بويىنشا ەكونوميكا مەنەدجەرى.
جەكە سەكتوردا جيناقتاعان مول تاجىريبەسى بار, «قۋاتاگرو» اگروحولدينكتىك كومپانيانىڭ باس ديرەكتورى قىزمەتىن اتقارعان, ءتۇرلى كەزەڭدەردە «ابن امرو بانك» جانە «كازكوممەرتسبانك» اق-دا جۇمىس ىستەگەن. 2009 جىلدان كۇنى بۇگىنگە دەيىن Global Building Contract» جشس-ءنىڭ قاداعالاۋشى كەڭەسىنىڭ توراعاسى بولعان.
قوعامدىق ىسپەن بەلسەندى تۇردە اينالىسادى, «قازاقستاننىڭ قالا قۇرىلىسى» قوعامدىق ۇيىمىنىڭ ۆيتسە-پرەزيدەنتى, «سامرۇق-قازىنا» جىلجىمايتىن م ۇلىك قورى» اق-نىڭ تاۋەلسىز ديرەكتورى, «اتامەكەن» ۇكپ قۇرىلىس جانە تكش جونىندەگى كوميتەتىنىڭ مۇشەسى, «قر قۇرىلىس سالاسىنىڭ ۇلتتىق اسسوتسياتسياسى» قوعامدىق ۇيىمىنىڭ پرەزيدەنتى. 2016 جىلى الماتى قالاسىنىڭ VI شاقىرىلىمىنداعى ءماسليحات دەپۋتاتى. 2017 جىلدىڭ مامىرىنان الماتى قالاسى جەڭىل اتلەتيكا فەدەراتسياسىنىڭ پرەزيدەنتى.
