پاۆلودار وبلىسىندا 2020 جىلعا دەيىن «نۇرلى جەر» باعدارلاماسى اياسىندا 1 ملن استام ش. م. تۇرعىن ءۇيدى پايدالانۋعا بەرۋ جوسپارلانعان, ونىڭ ىشىندە 4 909 نەسيەلىك تۇرعىن ءۇي پاتەرى جانە 868 ارەندالىق تۇرعىن ءۇي پاتەرى. بۇل تۋرالى قر پرەمەر-ءمينيسترى باقىتجان ساعىنتاەۆقا وبلىس ورتالىعىنداعى «سارىارقا» شاعىن اۋدانىن ارالاۋ بارىسىندا باياندالدى.
باقىتجان ساعىنتاەۆ «سارىارقا», «دوستىق» شاعىن اۋداندارى قۇرىلىسىنىڭ باس جوسپارىمەن تانىستى, وندا جالپى 100 گا-دان استام اۋداندا 400 مىڭنان استام ش. م. تۇرعىن ءۇي, 4 بالاباقشا, مەكتەپ, ەمحانا جانە الەۋمەتتىك جانە مادەني-سپورتتىق ماقساتتاعى باسقا دا نىساندار پايدالانۋعا بەرىلەدى.
وبلىس ورتالىعىندا جانە ءوڭىردىڭ ءىرى ونەركاسىپ ورتالىقتارى – ەكىباستۇز جانە اقسۋدا جەكە تۇرعىن ءۇي قۇرىلىسىن دامىتۋ شارالارى قولدانىلۋدا. وبلىستا 2020 جىلعا دەيىن بارلىعى شامامەن 437 مىڭ ش. م. جەكە تۇرعىن ءۇي سالۋ جوسپارلانعان.
قر پرەمەر-ءمينيسترى باقىتجان ساعىنتاەۆ وبلىس ورتالىعىنىڭ ينفراقۇرىلىم نىساندارىن دامىتۋمەن تانىستى جانە ەرتىس وزەنىنىڭ ۇستىمەن وتەتىن كوپىر وتكەلىنە باردى. ورتالىق ازيا ەلدەرىندەگى ەڭ ءىرى كوپىر قۇرىلىسى ەلىمىزدىڭ پرەزيدەنتى ن. نازارباەۆتىڭ تاپسىرماسىمەن «نۇرلى جول» باعدارلاماسى اياسىندا سالىنعان. كوپىر «ورتالىق-شىعىس» كولىك ءدالىزىنىڭ ءبىر بولىگى بولىپ تابىلادى.
كوپىردىڭ جالپى ۇزىندىعى - 12,3 كم, وتكىزۋ قابىلەتى – تاۋلىگىنە 10 مىڭ اۆتوموبيلگە دەيىن. وتكەل ترانزيتتىك اۆتوموبيلدەر ءۇشىن شامامەن 40 شاقىرىم قىسقارتۋعا مۇمكىندىك بەرەدى.
