قر پرەمەر-ءمينيسترى باقىتجان ساعىنتاەۆتىڭ جۇمىس ساپارى وبلىستىڭ باياناۋىل اۋدانىنان باستالدى, وندا ءتۋريزمدى دامىتۋ, ينفراقۇرىلىمدىق دامىتۋ ماسەلەلەرى, سونداي-اق, «ساكرالدى قازاقستان» جانە «تۋعان جەر» جوبالارى اياسىنداعى مىندەتتەر قارالدى.
وڭىردە باقىتجان ساعىنتاەۆ وبلىستىڭ ونەركاسىپتىك كاسىپورىندارىنىڭ جاڭعىرتىلۋ ۇدەرىستەرىمەن تانىسادى, ولاردىڭ قاتارىندا «KAZ Minerals Bozshakol» جشس مىس كەنىن ءوندىرۋ مەن قايتا وڭدەۋ ءوندىرىسى, «R.W.S. Whelset» تەمىرجول بىلىگى زاۋىتى, «پرومماشكومپلەكت» تەمىرجول دوڭگەلەكتەرىن شىعارۋ تسەحى, «پاۆلودار مۇناي-حيميا زاۋىتى», «قازاقستان ەلەكتروليز زاۋىتى» بار.
باقىتجان ساعىنتاەۆ پرەزيدەنتتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىن ىسكە اسىرۋ اياسىندا وبلىستىڭ ونەركاسىپتىك كاسىپورىندارىن تەحنولوگيالىق جاڭعىرتۋ ماسەلەلەرى جونىندە ارنايى كەڭەس وتكىزەدى دەپ كۇتىلۋدە.
سونداي-اق, قر پرەمەر-ءمينيسترى باقىتجان ساعىنتاەۆ «پاۆلودار» اەا-نا بارادى, وبلىستىڭ بيزنەس قاۋىمداستىعىنىڭ وكىلدەرىمەن كەزدەسەدى, «نۇرلى جەر» باعدارلاماسى اياسىندا سالىنىپ جاتقان تۇرعىن ۇيلەردىڭ قۇرىلىس قارقىنىمەن جانە «نۇرلى جول» مەملەكەتتىك باعدارلاماسىنىڭ ينفراقۇرىلىمدىق مىندەتتەرىن ىسكە اسىرۋ جۇمىستارىمەن تانىسادى.
